Moksha-Marg Prakashak-Hindi (iso15919 transliteration). Page: 17.

dūsarā adhikār ][ 27

bandhān honekī śakti hotī hai, usakā nām yog hai. usake nimittase prati samay karmarūp
hone yogya ananta paramāṇuoṁ kā grahaṇ hotā hai. vahān̐ alpayog ho to thoṛe paramāṇuoṁkā
grahaṇ hotā hai aur bahut yog ho to bahut paramāṇuoṁkā grahaṇ hotā hai. tathā ek samayameṁ
jo pudgalaparamāṇu grahaṇ kare unameṁ jñānāvaraṇādi mūlaprakr̥tiyoṁkā aur unakī uttaraprakr̥tiyoṁkā
jaise siddhāntameṁ kahā vaise baṭavārā hotā hai. us baṭavāreke anusār paramāṇu un prakr̥tiyoṁrūp
svayaṁ hī pariṇamit hote haiṁ.

viśeṣ itanā ki yog do prakārakā hai — śubhayog, aśubhayoga. vahān̐ dharmake aṁgoṁmeṁ

man-vacan-kāyakī pravr̥tti hone par to śubhayog hotā hai aur adharmake aṁgoṁmeṁ unakī pravr̥tti
hone par aśubhayog hotā hai. vahān̐ śubhayog ho yā aśubhayog ho, samyaktva prāpta kiye
binā ghātiyākarmoṁkī to sarva prakr̥tiyoṁkā nirantar bandha hotā hī rahatā hai. kisī samay kisī
bhī prakr̥tikā bandha hue binā nahīṁ rahatā. itanā viśeṣ hai ki mohanīyake hāsya-śok yugalameṁ,
rati-arati yugalameṁ, tīnoṁ vedoṁmeṁ ek kālameṁ ek-ek hī prakr̥tikā bandha hotā hai.

tathā aghātiyākarmoṁkī prakr̥tiyoṁmeṁ śubhayog hone par sātāvedanīy ādi puṇyaprakr̥tiyoṁkā

bandha hotā hai, aśubhayog hone par asātāvedanīy ādi pāpaprakr̥tiyoṁkā bandha hotā hai, miśrayog
hone par kitanī hī puṇyaprakr̥tiyoṁkā tathā kitanī hī pāpaprakr̥tiyoṁkā bandha hotā hai.

is prakār yogake nimittase karmoṁkā āgaman hotā hai. isaliye yog hai vah āsrav

hai. tathā usake dvārā grahaṇ hue karmaparamāṇuoṁkā nām pradeś hai, unakā bandha huā aur
unameṁ mūl-uttar prakr̥tiyoṁkā vibhāg huā; isaliye yogoṁ dvārā pradeśabandha tathā prakr̥tibandhakā
honā jānanā.

kaṣāyase sthiti aur anubhāg bandha

tathā mohake udayase mithyātva krodhādik bhāv hote haiṁ, un sabakā nām sāmānyataḥ

kaṣāy hai. usase un karmaprakr̥tiyoṁ kī sthiti ban̐dhatī hai. vahān̐ jitanī sthiti ban̐dhe usameṁ
ābādhākālako choṛakar paścāt jab tak ban̐dhī sthiti pūrṇa ho tab tak prati samay us
prakr̥ti kā uday ātā hī rahatā hai. vahān̐ dev-manuṣya-tiryaṁcāyuke binā anya sarva ghātiyā-
aghātiyā prakr̥tiyoṁkā, alpa kaṣāy hone par thoṛā sthitibandha hotā hai, bahut kaṣāy hone
par bahut sthitibandha hotā hai. in tīn āyukā alpa kaṣāyase bahut aur bahut kaṣāyase
alpa sthitibandha jānanā.

< Previous Page Next Page >