Moksha-Marg Prakashak-Hindi (iso15919 transliteration). Page: 32.

42 ] [ mokṣamārgaprakāśak

yahān̐ aisā jānanā ki ve kāraṇ hī sukh-duḥkhako utpanna nahīṁ karate, ātmā mohakarmake

udayase svayaṁ sukh-duḥkh mānatā hai. vahān̐ vedanīyakarmake udayakā aur mohakarmake udayakā aisā
hī sambandha hai. jab sātāvedanīyakā utpanna kiyā bāhya kāraṇ milatā hai tab to sukh mānanerūp
mohakarmakā uday hotā hai, aur jab asātāvedanīyakā utpanna kiyā bāhya kāraṇ milatā hai
tab duḥkh mānanerūp mohakarmakā uday hotā hai.

tathā yahī kāraṇ kisīko sukhakā, kisīko duḥkhakā kāraṇ hotā hai. jaise — kisīko

sātāvedanīyakā uday hone par milā huā jaisā vastra sukhakā kāraṇ hotā hai, vaisā hī vastra
kisīko asātāvedanīyakā uday hone par milā so duḥkhakā kāraṇ hotā hai. isalie bāhya
vastu sukh-duḥkhakā nimittamātra hotī hai. sukh-duḥkh hotā hai vah mohake nimittase hotā hai.
nirmohī muniyoṁko anek r̥ddhi ādi tathā parīṣahādi kāraṇ milate haiṁ tathāpi sukh-duḥkh utpanna
nahīṁ hotā. mohī jīvako kāraṇ milane par athavā binā kāraṇ mile bhī apane saṁkalpa
hī se sukh-duḥkh huā hī karatā hai. vahān̐ bhī tīvra mohīko jis kāraṇake milane par tīvra
sukh-duḥkh hote haiṁ, vahī kāraṇ milane par maṁd mohīko maṁd sukh-duḥkh hote haiṁ.

isaliye sukh-duḥkhakā mūl balavān kāraṇ mohakā uday hai. anya vastuen̐ haiṁ ve balavān

kāraṇ nahīṁ haiṁ; parantu anya vastuoṁke aur mohī jīvake pariṇāmoṁke nimitta-naimittikakī mukhyatā
pāī jātī hai; usase mohī jīv anya vastu hī ko sukh-duḥkhakā kāraṇ mānatā hai.

is prakār vedanīyase sukh-duḥkhakā kāraṇ utpanna hotā hai.

āyukarmodayajanya avasthā

tathā āyukarmake udayase manuṣyādi paryāyoṁkī sthiti rahatī hai. jab tak āyukā uday

rahatā hai tab tak anek rogādik kāraṇ milane par bhī śarīrase sambandha nahīṁ chūṭatā. tathā
jab āyukā uday na ho tab anek upāy karane par bhī śarīrase sambandha nahīṁ rahatā, us
hī kāl ātmā aur śarīr pr̥thak ho jāte haiṁ.

is saṁsārameṁ janma, jīvan, maraṇakā kāraṇ āyukarma hī hai. jab navīn āyukā uday

hotā hai tab navīn paryāyameṁ janma hotā hai. tathā jab tak āyukā uday rahe tab tak
us paryāyarūp prāṇoṁke dhāraṇase jīnā hotā hai. tathā āyukā kṣay ho tab us paryāyarūp
prāṇ chūṭanese maraṇ hotā hai. sahaj hī aisā āyukarmakā nimitta hai; dūsarā koī utpanna
karanevālā, kṣay karanevālā yā rakṣā karanevālā hai nahīṁ — aisā niścay jānanā.

< Previous Page Next Page >