Moksha-Marg Prakashak-Hindi (iso15919 transliteration). Page: 38.

48 ] [ mokṣamārgaprakāśak

ab, is duḥkhake dūr honekā upāy yah jīv kyā karatā hai so kahate haiṁ. indriyoṁse

viṣayoṁkā grahaṇ hone par merī icchā pūrṇa hogī aisā jānakar pratham to nānāprakārake bhojanādikoṁse
indriyoṁko prabal karatā hai aur aisā hī jānatā hai ki indriyoṁke prabal rahanese mere viṣay-grahaṇakī
śakti viśeṣ hotī hai. tathā vahān̐ anek bāhya kāraṇ cāhie unakā nimitta milātā hai.

tathā indriyān̐ haiṁ ve viṣay-sanmukh hone par unako grahaṇ karatī haiṁ, isalie anek

bāhya upāyoṁ dvārā viṣayoṁkā tathā indriyoṁkā saṁyog milātā hai. nānāprakārake vastrādikakā,
bhojanādikakā, puṣpādikakā, mandir-ābhūṣaṇādikakā tathā gān-vāditrādikakā saṁyog milāneke
artha bahut khedakhinna hotā hai.

tathā in indriyoṁke sanmukh viṣay rahatā hai tab tak us viṣayakā kiṁcit spaṣṭa

jānapanā rahatā hai, paścāt man dvārā smaraṇamātra rah jātā hai. kāl vyatīt hone par smaraṇ
bhī maṁd hotā jātā hai, isalie un viṣayoṁko apane ādhīn rakhanekā upāy karatā hai aur
śīghra-śīghra unakā grahaṇ kiyā karatā hai. tathā indriyoṁke to ek kālameṁ ek viṣayakā hī
grahaṇ hotā hai, kintu yah bahut grahaṇ karanā cāhatā hai, isaliye ākulit hokar śīghra-
śīghra ek viṣayako choṛakar anyako grahaṇ karatā hai, tathā use choṛakar anyako grahaṇ karatā
hai — aise jhapaṭṭe māratā hai.

is prakār jo upāy ise bhāsit hote haiṁ so karatā hai, parantu ve jhūṭhe haiṁ. kyoṁki

pratham to in sabakā aisā hī honā apane ādhīn nahīṁ hai, mahān kaṭhin hai; tathā kadācit
uday anusār aisī hī vidhi mil jāye to indriyoṁko prabal karanese kahīṁ viṣay-grahaṇakī
śakti barḥatī nahīṁ hai; vah śakti to jñān-darśan barḥāne par barḥatī hai so yah karmake kṣayopaśamake
ādhīn hai. kisīkā śarīr puṣṭa hai usake aisī śakti kam dekhī jātī hai, kisīkā śarīr
durbal hai usake adhik dekhī jātī hai. isalie bhojanādi dvārā indriyān̐ puṣṭa karanese kuch
siddhi hai nahīṁ. kaṣāyādi ghaṭanese karmakā kṣayopaśam hone par jñān-darśan barḥe tab viṣayagrahaṇakī
śakti barḥatī hai.

tathā viṣayoṁkā jo saṁyog milātā hai vah bahut kāl tak nahīṁ rahatā athavā sarva

viṣayoṁkā saṁyog milatā hī nahīṁ hai, isaliye yah ākulatā banī hī rahatī hai. tathā un
viṣayoṁko apane ādhīn rakhakar śīghra-śīghra grahaṇ karatā hai, kintu ve ādhīn rahate nahīṁ haiṁ.
ve bhinna dravya to apane ādhīn pariṇamit hote haiṁ yā karmodayake ādhīn haiṁ. aise karmakā
bandha yathāyogya śubhabhāv hone par hotā hai aur paścāt uday ātā hai vah pratyakṣa dekhate
haiṁ. anek upāy karane par bhī karmake nimitta binā sāmagrī nahīṁ milatī.

< Previous Page Next Page >