Moksha-Marg Prakashak-Hindi (iso15919 transliteration). Page: 50.

60 ] [ mokṣamārgaprakāśak

athavā bāhya sāmagrīse sukh-duḥkh mānate haiṁ so hī bhram hai. sukh-duḥkh to sātā-asātākā

uday hone par mohake nimittase hote haiṁ — aisā pratyakṣa dekhanemeṁ ātā hai. lakṣa dhanake dhanīko

sahasra dhanakā vyay huā tab vah to duḥkhī hai aur śat dhanake dhanīko sahasra dhan huā tab
vah sukh mānatā hai. bāhya sāmagrī to usake isase ninyānavegunī hai. athavā lakṣa dhanake dhanīko
adhik dhanakī icchā hai to vah duḥkhī hai aur śat dhanake dhanīko santoṣ hai to vah sukhī
hai. tathā samān vastu milane par koī sukh mānatā hai koī duḥkh mānatā hai. jaise — kisīko

moṭe vastrakā milanā duḥkhakārī hotā hai, kisīko sukhakārī hotā hai. tathā śarīrameṁ kṣudhā ādi
pīṛā va bāhya iṣṭakā viyog, aniṣṭakā saṁyog hone par kisīko bahut duḥkh hotā hai, kisīko
thoṛā hotā hai, kisīko nahīṁ hotā. isaliye sāmagrīke ādhīn sukh-duḥkh nahīṁ haiṁ, sātā-
asātākā uday hone par moh-pariṇamanake nimittase hī sukh-duḥkh mānate haiṁ.

yahān̐ praśna hai ki — bāhya sāmagrīkā to tum kahate ho vaisā hī hai; parantu śarīrameṁ

to pīṛā hone par duḥkhī hotā hī hai aur pīṛā na hone par sukhī hotā hai — yah to

śarīr-avasthāhīke ādhīn sukh-duḥkh bhāsit hote haiṁ?

samādhānaḥ — ātmākā to jñān indriyādhīn hai aur indriyān̐ śarīrakā aṅga haiṁ, isaliye

isameṁ jo avasthā ho use jānanerūp jñān pariṇamit hotā hai; usake sāth hī mohabhāv ho,
usase śarīrakī avasthā dvārā sukh-duḥkh viśeṣ jānā jātā hai. tathā putra dhanādikase adhik
moh ho to apane śarīrakā kaṣṭa sahe usakā thoṛā duḥkh māne, aur unako duḥkh hone par
athavā unakā saṁyog miṭane par bahut duḥkh māne; aur muni haiṁ ve śarīrako pīṛā hone
par bhī kuch duḥkh nahīṁ mānate; isaliye sukh-duḥkhakā mānanā to mohahīke ādhīn hai. mohake
aur vedanīyake nimitta-naimittik sambandha hai, isaliye sātā-asātā ke udayase sukh-duḥkhakā
honā bhāsit hotā hai. tathā mukhyataḥ kitanī hī sāmagrī sātāke udayase hotī hai, kitanī
hī asātāke udayase hotī hai; isaliye sāmagriyoṁse sukh-duḥkh bhāsit hote haiṁ. parantu nirdhār
karane par moh hī se sukh-duḥkh kā mānanā hotā hai, auroṁke dvārā sukh-duḥkh honekā niyam
nahīṁ hai. kevalīke sātā-asātākā uday bhī hai aur sukh-duḥkhake kāraṇ sāmagrīkā saṁyog
bhī hai; parantu mohake abhāvase kiṁcitmātra bhī sukh-duḥkh nahīṁ hotā. isaliye sukh-duḥkh
ko mohajanit hī mānanā. isaliye tū sāmagrīko dūr karanekā yā honekā upāy karake duḥkh
miṭānā cāhe aur sukhī honā cāhe so yah upāy jhūṭhā hai.

to saccā upāy kyā hai? samyagdarśanādikase bhram dūr ho tab sāmagrīse sukh-duḥkh bhāsit

nahīṁ hotā, apane pariṇāmahīse bhāsit hotā hai. tathā yathārtha vicārake abhyās dvārā apane

< Previous Page Next Page >