Moksha-Marg Prakashak-Hindi (iso15919 transliteration). Page: 49.

tīsarā adhikār ][ 59

par bhī siddhi nahīṁ ho; isaliye jānā jātā hai ki isakā upāy isake ādhīn nahīṁ hai.

tathā kadācit upāy bhī kare aur vaisā hī uday āye to thoṛe kāl tak kiṁcit

kisī prakārakī asātākā kāraṇ miṭe aur sātākā kāraṇ ho; vahān̐ bhī mohake sadbhāvase
unako bhoganekī icchāse ākulit hotā hai. ek bhogya vastuko bhoganekī icchā ho, jab
tak vah nahīṁ milatī tab tak to usakī icchāse ākul hotā hai; aur vah milī usī
samay anyako bhoganekī icchā ho jātī hai, tab usase ākul hotā hai. jaise — kisīko

svād lenekī icchā huī thī, usakā āsvād jis samay huā usī samay anya vastukā svād
lenekī tathā sparśanādikī icchā utpanna hotī hai.

athavā ek hī vastuko pahale anya prakār bhoganekī icchā ho, jab tak vah nahīṁ

mile tab tak usakī ākulatā rahe aur vah bhog huā usī samay anya prakārase bhoganekī
icchā ho jātī hai. jaise strīko dekhanā cāhatā thā, jis samay avalokan huā usī samay
ramaṇ karanekī icchā hotī hai. tathā aise bhog bhogate hue bhī unake anya upāy karanekī
ākulatā hotī hai to unheṁ choṛakar anya upāy karanemeṁ lag jātā hai; vahān̐ anek prakārakī
ākulatā hotī hai.

dekho, ek dhanakā upāy karanemeṁ vyāpārādik karate hue tathā usakī rakṣā karanemeṁ

sāvadhānī karate hue kitanī ākulatā hotī hai. tathā kṣudhā, tr̥ṣā, śīt, uṣṇa, mal, śleṣmādi
asātākā uday ātā hī rahe; usake nirākaraṇase sukh māne — so kāhekā sukh hai? yah

to rogakā pratikār hai. jab tak kṣudhādik raheṁ tab tak unako miṭānekī icchāse ākulatā
hotī hai, vah miṭeṁ tab koī anya icchā utpanna ho usakī ākulatā hotī hai aur phi ra
kṣudhādik hoṁ tab unakī ākulatā ho ātī hai.

is prakār isake upāy karate hue kadācit asātā miṭakar sātā ho, vahān̐ bhī

ākulatā banī hī rahatī hai, isaliye duḥkh hī rahatā hai.

tathā aise bhī rahanā to hotā nahīṁ hai, upāy karate-karate hī apaneko asātākā uday

aisā āye ki usakā kuch upāy ban nahīṁ sake aur usakī pīṛā ho, sahī na jāye, tab
usakī ākulatāse vihval ho jāye; vahān̐ mahā duḥkhī hotā hai.

so is saṁsārameṁ sātākā uday to kisī puṇyake udayase kisīke kadācit hī pāyā

jātā hai; bahut jīvoṁke bahut kāl asātāhīkā uday rahatā hai. isaliye upāy karatā
hai ve jhūṭhe haiṁ.

< Previous Page Next Page >