Moksha-Marg Prakashak-Hindi (iso15919 transliteration). Page: 54.

64 ] [ mokṣamārgaprakāśak

vah mahā duḥkhī hai. usī prakār ekendriyakā jñān to thoṛā hai aur bāhya śaktihīnatāke
kāraṇ apanā duḥkh pragaṭ bhī nahīṁ kar sakatā, parantu mahā duḥkhī hai.

tathā aṁtarāyake tīvra udayase cāhā huā bahut nahīṁ hotā, isalie bhī duḥkhī hī

hote haiṁ.

tathā aghāti karmoṁmeṁ viśeṣarūpase pāpaprakr̥tiyoṁkā uday hai; vahān̐ asātāvedanīyakā uday

hone par usake nimittase mahā duḥkhī hote haiṁ. vanaspati hai so pavanase ṭūṭatī hai, śīt-uṣṇatāse
sūkh jātī hai, jal na milanese sūkh jātī hai, agnise jal jātī hai; usako koī chedatā
hai, bhedatā hai, masalatā hai, khātā hai, toṛatā hai — ityādi avasthā hotī hai. usī prakār

yathāsambhav pr̥thvī ādimeṁ avasthāen̐ hotī haiṁ. un avasthāoṁke honese ve mahā duḥkhī hote
haiṁ.

jis prakār manuṣyake śarīrameṁ aisī avasthā hone par duḥkh hotā hai usī prakār unake

hotā hai. kyoṁki inakā jānapanā sparśan indriyase hotā hai aur unake sparśan indriy hai
hī, usake dvārā unheṁ jānakar mohake vaśase mahā vyākul hote haiṁ; parantu bhāganekī, laṛanekī
yā pukāranekī śakti nahīṁ hai, isaliye ajñānī log unake duḥkhako nahīṁ jānate. tathā kadācit
kiṁcit sātākā uday hotā hai, parantu vah balavān nahīṁ hotā.

tathā āyukarmase in ekendriy jīvoṁmeṁ jo aparyāpta haiṁ unake to paryāyakī sthiti

ucchvāsake aṭhārahaveṁ bhāg mātra hī hai, aur paryāptoṁkī aṁtarmūhūrta ādi kitane hī varṣa paryanta
hai. vahān̐ āyu thoṛā honese janma-maraṇ hote hī rahate haiṁ usase duḥkhī haiṁ.

tathā nāmakarmameṁ tiryaṁcagati ādi pāpaprakr̥tiyoṁkā hī uday viśeṣarūpase pāyā jātā hai.

kisī hīn puṇyaprakr̥tikā uday ho usakā balavānapanā nahīṁ hotā, isaliye unase bhī mohake
vaśase duḥkhī hote haiṁ.

tathā gotrakarmameṁ nīc gotrahīkā uday hai, isaliye mahaṁtatā nahīṁ hotī, isaliye bhī

duḥkhī hī haiṁ.

isaprakār ekendriy jīv mahā duḥkhī haiṁ aur is saṁsārameṁ jaise pāṣāṇ ādhār par

to bahut kāl rahatā hai, nirādhār ākāśameṁ to kadācit kiṁcitmātra kāl rahatā hai; usīprakār
jīv ekendriy paryāyameṁ bahut kāl rahatā hai, anya paryāyoṁmeṁ to kadācit kiṁcitmātra kāl
rahatā hai; isaliye yah jīv saṁsārameṁ mahā duḥkhī hai.

< Previous Page Next Page >