Moksha-Marg Prakashak-Hindi (simplified iso15919 transliteration).

udyot hone lagā, tab jainadharmake prati dveṣh rakhanevāle brāhmaṇ vah sahan na kar sake aur
isaliye unhonne ek gupta ‘ṣhaṛayantra’ rachā. unhonne shivapiṇḍīko ukhāṛakar jainon par ‘ukhāṛ
ḍālanekā’ ārop lagāyā aur rājā mādhavasinhako, jainoṅke viruddha ukasākar krodhit kiyā.
rājāne satyāsatyakī kuchh bhī jānakārī prāpta kiye binā hī krodhavash sabhī jainoṅko rātrimen
kaidakar liyā tathā unake prasiddha vidvān paṇḍit ṭoḍaramallajīko pakaṛakar mār ḍālanekā hukam
de diyā. tadanusār paṇḍitajīko hāthīke pām̐vake nīche kacharavākar maravā ḍālā aur unake shabako
shaharakī gandakīmen daṭavā diyā.

yah bāt prachalit hai ki jab paṇḍitajīko hāthīke pām̐vake nīche ṛālanemen āyā aur

aṅkushake prahārapūrvak hāthīko, unake sharīrako kachar ḍālaneko, prerit karanemen āyā tab hāthī
ekadam chillākar ruk gayā. is tarah do bār vah aṅkushake prahār khā chukā, parantu paṇḍitajī
par apane pām̐vakā prahār nahīn kiyā. us par aṅkushake tīsare prahār paṛanekī taiyārī thī,
vahān̐ paṇḍitajīne hāthīkī dashā dekhakar kahā ki – he gajendra! terā koī aparādh nahīn; jahān̐

prajāke rakṣhakane hī aparādhī – niraparādhīkī parīkṣhā kiye binā mār ḍālanekā hukam de diyā

hai, vahān̐ tu kyon vyartha hī aṅkushake prahār sahatā hai? saṅkoch chhoṛ aur terā kārya kara.
yah vākya sunakar hāthīne apanā kām kiyā. rājā mādhavasinh (pratham)ko jab is
‘ṣhaṛayantra’ke bāremen gnāt huā tab unhen bahut hī duḥkh huā aur apane adham kr̥utya par
ve bahut pachhatāye.

paṇḍitajīke jīvanakā mukhya dhyey ek sva-par kalyāṇakā hī thā. antaraṅgamen

kṣhayopashamavisheṣhase tathā bāhyamen tarka vitarka pūrvak anek shāstroṅke adhyayanase āpakā vītarāg-
vignān bhāv itanā barḥ gayā thā ki sānsārik kāryonse ve svayam prāyaḥ virakta hī rahā karate
the; aur dhārmik kāryommen itane tallīn rahā karate the ki bāhya jagatakī aur āsvādya padārthoṅkī
unako kuchh bhī sudh nahīn rahatī thī. is viṣhayamen ek janashruti aisī bhī hai ki – jis samay

āp granth rachanā kar rahe the, us kālamen āpakī mātājīne khādya padārthommen chhah māsase namak
ḍālanā chhoṛ diyā thā. chha mās pashchāt shāstrarachanākī orase āpakā upayog kuchh haṭate
ek din āpane mātājīse pūchhā : ‘mājī! āj āpane dālamen namak kyon nahīn ḍālā?’
yah sun mātājī bolī : ‘beṭā, main to chha māsase namak nahīn ḍālatī hūn̐’. yah sab likhanekā
tātparya itanā hī hai ki, āpake samayamen āp ek mahān dharmātmā, shreṣhṭha, paropakārī, nirabhimānī
tathā advitīy vidvān the. jainasamājake durbhāgyase hī aise mahātmākā asamay hī viyog huā,
parantu āpane svayanne to jīvanaparyanta jain samāj par ananya upakār kiyā hai aur isaliye

[ 9 ]

< Previous Page Next Page >