Moksha-Marg Prakashak-Hindi (simplified iso15919 transliteration). Page: 7.

pahalā adhikār ][ 17

mile to shraddhānādik guṇoṅke dhārī vaktāoṅke mukhase hī shāstra sunanā. is prakārake guṇoṅke
dhārak muni athavā shrāvak unake mukhase to shāstra sunanā yogya hai, aur paddhatibuddhise athavā
shāstra sunaneke lobhase shraddhānādiguṇarahit pāpī puruṣhoṅke mukhase shāstra sunanā uchit nahīn hai.
kahā hai kiḥ —

tan jiṇaāṇapareṇ ya dhammo soyavva sugurupāsammi.

ah uchio saddhāo tassuvaesassa kahagāo..

arthaḥ — jo jinaāgnā mānanemen sāvadhān hai use nirgrantha suguru hī ke nikaṭ dharma sunanā

yogya hai, athavā un suguru hī ke upadeshako kahanevālā uchit shraddhānī shrāvak usase dharma
sunanā yogya hai.

aisā jo vaktā dharmabuddhise upadeshadātā ho vahī apanā tathā anya jīvoṅkā bhalā kare.

aur jo kaṣhāyabuddhise upadesh detā hai vah apanā tathā anya jīvoṅkā burā karatā hai —

aisā jānanā.

is prakār vaktākā svarūp kahā.

shrotākā svarūp

ab shrotākā svarūp kahate hainḥ — bhalī honahār hai isalie jis jīvako aisā vichār

ātā hai ki main kaun hūn̐ ? merā kyā svarūp hai ? yah charitra kaise ban rahā hai ? ye mere
bhāv hote hain unakā kyā phal lagegā ? jīv duḥkhī ho rahā hai so duḥkh dūr honekā kyā
upāy hai ? — mujhako itanī bātoṅkā nirṇay karake kuchh merā hit ho so karanā — aise vichārase

udyamavanta huā hai. punashcha, is kāryakī siddhi shāstra sunanese hotī hai aisā jānakar ati
prītipūrvak shāstra sunatā hai; kuchh pūchhanā ho so pūchhatā hai; tathā guruoṅke kahe arthako apane
antaraṅgamen bārambār vichāratā hai aur apane vichārase satya arthoṅkā nishchay karake jo karttavya
ho usakā udyamī hotā hai — aisā to navīn shrotākā svarūp jānanā.

punashcha, jo jainadharmake gārḥ shraddhānī hain tathā nānā shāstra sunanese jinakī buddhi nirmal

huī hai tathā vyavahār — nishchayādiko bhalībhān̐ti jānakar jis arthako sunate hain, use yathāvat

nishchay jānakar avadhāraṇ karate hain; tathā jab prashna uṭhatā hai tab ati vinayavān hokar
prashna karate hain athavā paraspar anek prashnottar kar vastu kā nirṇay karate hain; shāstrābhyāsamen
ati āsakta hain; dharmabuddhise nindya kāryoṅke tyāgī hue hain — aise un shāstroṅke shrotā honā

chāhie.

< Previous Page Next Page >