-
18 ] [ mokṣhamārgaprakāshak
shrotāoṅke visheṣh lakṣhaṇ aise hain — yadi use kuchh vyākaraṇ-nyāyādikakā tathā baṛe
jainashāstroṅkā gnān ho to shrotāpanā visheṣh shobhā detā hai. tathā aisā bhī shrotā ho, kintu
use ātmagnān na huā ho to upadeshakā marma nahīn samajh sake; isaliye jo ātmagnān dvārā
svarūpakā āsvādī huā hai, vah jinadharmake rahasyakā shrotā hai. tathā jo atishayavanta buddhise
athavā avadhi – manaḥparyayase sanyukta ho to use mahān shrotā jānanā. aise shrotāoṅke visheṣh
guṇ haĩn. aise jinashāstroṅke shrotā honā chāhiye.
punashcha, shāstra sunanese hamārā bhalā hogā — aisī buddhise jo shāstra sunate hain, parantu
gnānakī mandatāse visheṣh samajh nahīn pāte unako puṇyabandha hotā hai; visheṣh kārya siddha nahīn
hotā. tathā jo kul pravr̥uttise athavā paddhatibuddhise athavā sahaj yog bananese shāstra sunate
hain, athavā sunate to hain parantu kuchh avadhāraṇ nahīn karate; unake pariṇām anusār kadāchit
puṇyabandha hotā hai, kadāchit pāpabandha hotā hai. tathā jo mad-matsar- bhāvase shāstra sunate
hain athavā tarka karanekā hī jinakā abhiprāy hai, tathā jo mahantatāke hetu athavā kisī
lobhādik prayojanake hetuse shāstra sunate hain, tathā jo shāstra to sunate hain, parantu suhātā nahīn
hai — aise shrotāoṅko keval pāpabandha hī hotā hai.
aisā shrotāoṅkā svarūp jānanā. isī prakār yathāsambhav sīkhanā, sikhānā ādi
jinake pāyā jāye unakā bhī svarūp jānanā.
is prakār shāstrakā tathā vaktā-shrotākā svarūp kahā. so uchit shāstrako uchit
vaktā hokar parḥanā, uchit shrotā hokar sunanā yogya hai.
mokṣhamārgaprakāshak granthakī sārthakatā
ab, yah mokṣhamārgaprakāshak nāmak shāstra rachate hain, usakī sārthakatā dikhāte hainḥ —
is sansār-aṭavīmen samasta jīv hain ve karmanimittase utpanna jo nānā prakārake duḥkh
unase pīṛit ho rahe hain; tathā vahān̐ mithyā-andhakār vyāpta ho rahā hai, us kāraṇ vahān̐se mukta
honekā mārga nahīn pāte, taṛap-taṛapakar vahān̐ hī duḥkh ko sahate haĩn.
aise jīvoṅkā bhalā honeke kāraṇabhūt tīrthaṅkar kevalī bhagavānarūpī sūryakā uday huā;
unakī divyadhvanirūpī kiraṇon dvārā vahān̐se mukta honekā mārga prakāshit kiyā. jis prakār sūryako
aisī ichchhā nahīn hai ki main mārga prakāshit karūn̐, parantu sahaj hī usakī kiraṇen phai latī hain, unake
dvārā mārgakā prakāshan hotā hai; usī prakār kevalī vītarāg hain, isaliye unako aisī ichchhā nahīn