-
20 ] [ mokṣhamārgaprakāshak
hai, unake is kāraṇ baṛe granthoṅkā abhyās to ban nahīn sakatā; tathā kinhīn chhoṭe granthoṅkā
abhyās bane to bhī yathārtha artha bhāsit nahīn hotā. — is prakār is samayamen mandagnānavān
jīv bahut dikhāī dete hain, unakā bhalā honeke hetu dharmabuddhise yah bhāṣhāmay grantha
banātā hū̃n.
punashcha, jis prakār baṛe daridrīko avalokanamātra chintāmaṇikī prāpti ho aur vah
avalokan na kare, tathā jaise korḥīko amr̥ut-pān karāye aur vah na kare; usī prakār sansār-
pīṛit jīvako sugam mokṣhamārgake upadeshakā nimitta bane aur vah abhyās na kare to usake
abhāgyakī mahimā hamase to nahīn ho sakatī. usakī honahār hī kā vichār karane par apaneko
samatā ātī hai. kahā hai kiḥ —
sāhīṇe gurujoge je ṇa suṇantīh dhammavayaṇāi.
te dhiṭṭhaduṭṭhachittā ah suhaḍā bhavabhayavihuṇā..
svādhīn upadeshadātā gurukā yog milane par bhī jo jīv dharmavachanoṅko nahīn sunate
ve dhīṭh hain aur unakā duṣhṭa chitta hai. athavā jis sansārabhayase tīrthaṅkarādi ḍare us sansārabhayase
rahit hain ve baṛe subhaṭ haĩn.
punashcha, pravachanasāramen bhī mokṣhamārgakā adhikār kiyā hai, vahān̐ pratham āgamagnān hī
upādey kahā hai. so is jīvakā to mukhya karttavya āgamagnān hai. usake hone se tattvon
kā shraddhān hotā hai, tattvon kā shraddhān hone se sanyamabhāv hotā hai, aur us āgamase
ātmagnānakī bhī prāpti hotī hai; tab sahaj hī mokṣhakī prāpti hotī hai.
punashcha, dharmake anek aṅṅga hain unamen ek dhyān binā usase ūn̐chā aur dharmakā aṅg
nahīn hai; isaliye jis-tis prakār āgam-abhyās karanā yogya hai.
punashcha, is granthakā to vān̐chanā, sunanā, vichāranā bahut sugam hai — koī
vyākaraṇādikakā bhī sādhan nahīn chāhiye; isaliye avashya isake abhyās men pravarto. tumhārā
kalyāṇ hogā.
— iti shrī mokṣhamārgaprakāshak nāmak shāstramen pīṭhabandha prarūpak
pratham adhikār samāpta huā..1..
✾