-
dūsarā adhikār ][ 21
dūsarā adhikār
sansār-avasthākā svarūp
dohā — mithyābhāv abhāvatain, jo pragaṭ nijabhāv,
so jayavant rahau sadā, yah hī mokṣha upāv.
ab is shāstramen mokṣhamārgakā prakāsh karate haĩn. vahān̐ bandhase chhūṭanekā nām mokṣha hai.
is ātmāko karmakā bandhan hai aur us bandhanase ātmā duḥkhī ho rahā hai, tathā isake
duḥkh dūr karane hī kā nirantar upāy bhī rahatā hai, parantu sachchā upāy prāpta kiye
binā duḥkh dūr nahīn hotā aur duḥkh sahā bhī nahīn jātā; isaliye yah jīv vyākul ho
rahā hai.
is prakār jīvako samasta duḥkhakā mūlakāraṇ karmabandhan hai. usake abhāvarūp mokṣha
hai vahī paramahit hai, tathā usakā sachchā upāy karanā vahī kartavya hai; isaliye is hī kā
ise upadesh dete haĩn. vahān̐ jaise vaidya hai so rog sahit manuṣhyako pratham to rogakā nidān
batalātā hai ki is prakār yah rog huā hai; tathā us rogake nimittase usake jo-jo
avasthā hotī ho vah batalātā hai. usase nishchay hotā hai ki mujhe aisā hī rog hai.
phi ra us rogako dūr karanekā upāy anek prakārase batalātā hai aur us upāyakī use
pratīti karātā hai — itanā to vaidyakā batalānā hai. tathā yadi vah rogī usakā sādhan
kare to rogase mukta hokar apane svabhāvarūp pravarte, yah rogīkā karttavya hai.
usī prakār yahān̐ karmabandhanayukta jīvako pratham to karmabandhanakā nidān batalāte hain
ki aise yah karmabandhan huā hai; tathā us karmabandhanake nimittase isake jo-jo avasthā hotī
hai vah batalāte haĩn. usase jīvako nishchay hotā hai ki mujhe aisā hī karmabandhan hai. tathā
us karmabandhanake dūr honekā upāy anek prakārase batalāte hain aur us upāyakī ise pratīt
karāte hain — itanā to shāstrakā upadesh hai. yadi yah jīv usakā sādhan kare to karmabandhanase
mukta hokar apane svabhāvarūp pravarte, yah jīvakā karttavya hai.