Moksha-Marg Prakashak-Hindi (simplified iso15919 transliteration). Page: 13.

dūsarā adhikār ][ 23

aisā āgamamen kahā hai tathā yuktise bhī aisā hī sambhav hai ki — karmake nimitta binā

pahale jīvako rāgādik kahe jāyen to rāgādik jīvakā ek svabhāv ho jāyen; kyoṅki
paranimittake binā ho usīkā nām svabhāv hai.

isaliye karmakā sambandha anādi hī mānanā.
yahān̐ prashna hai ki — nyāre-nyāre dravya aur anādise unakā sambandha — aisā kaise sambhav hai?

samādhān : — jaise mūl hī se jal — dūdhakā, sonā — kiṭṭikakā, tuṣh — kaṇakā tathā

tel — tilakā sambandha dekhā jātā hai, navīn inakā milāp huā nahīn hai; vaise hī anādise

jīvakarmakā sambandha jānanā, navīn inakā milāp huā nahīn hai. phi ra tumane kahā — ‘kaise

sambhav hai?’ anādise jis prakār kaī bhinna dravya hain, vaise hī kaī mile dravya hain; is prakār
sambhav honemen kuchh virodh to bhāsit nahīn hotā.

phi ra prashna hai ki — sambandha athavā sanyog kahanā to tab sambhav hai jab pahale bhinna

hon aur phi ra milẽn. yahān̐ anādise mile jīv-karmoṅkā sambandha kaise kahā hai?

samādhān : — anādise to mile the; parantu bādamen bhinna hue tab jānā ki bhinna the

to bhinna hue, isaliye pahale bhī bhinna hī the — is prakār anumānase tathā kevalagnānase pratyakṣha

bhinna bhāsit hote haĩn. isase, unakā bandhan hone par bhī bhinnapanā pāyā jātā hai. tathā
us bhinnatākī apekṣhā unakā sambandha athavā sanyog kahā hai; kyoṅki naye mile, yā mile
hī hon, bhinna dravyoṅke milāpamen aise hī kahanā sambhav hai.

is prakār in jīv-karmakā anādi sambandha hai.

jīv aur karmon kī bhinnatā

vahān̐ jīvadravya to dekhane-jānanerūp chetanāguṇakā dhārak hai tathā indriyagamya na hone

yogya amūrttik hai, saṅkoch-vistār shaktisahit asaṅkhyātapradeshī ekadravya hai. tathā karma hai vah
chetanāguṇarahit jaṛ hai aur mūrttik hai, ananta pudgalaparamāṇuoṅkā piṇḍa hai, isalie ekadravya
nahīn hai. is prakār ye jīv aur karma hain — inakā anādisambandha hai, to bhī jīvakā koī

pradesh karmarūp nahīn hotā aur karmakā koī paramāṇu jīvarūp nahīn hotā; apane-apane lakṣhaṇako
dhāraṇ kiye bhinna-bhinna hī rahate haĩn. jaise sone-chān̐dīkā ek skandh ho, tathāpi pītādi guṇoṅko
dhāraṇ kie sonā bhinna rahatā hai aur shvetādi guṇoṅko dhāraṇ kiye chān̐dī bhinna rahatī hai —

vaise bhinna jānanā.

< Previous Page Next Page >