Moksha-Marg Prakashak-Hindi (simplified iso15919 transliteration). Page: 14.

24 ] [ mokṣhamārgaprakāshak

amūrtik ātmāse mūrtik karmoṅkā bandhān kis prakār hotā hai?

yahān̐ prashna hai ki — mūrtik-mūrtikakā to bandhān honā bane, amūrtik-mūrtikakā bandhān

kaise bane?

samādhānaḥ — jis prakār vyakta – indriyagamya nahīn hain, aise sūkṣhma pudgal tathā vyakta-

indriyagamya hain, aise sthūl pudgal — unakā bandhān honā mānate hain; usī prakār jo indriyagamya

hone yogya nahīn hai, aisā amūrtik ātmā aur indriyagamya hone yogya mūrtik karma — inakā

bhī bandhān honā mānanā. tathā is bandhānamen koī kisīko karatā to hai nahī̃n. jab tak
bandhān rahe tab tak sāth rahen — bichhuṛen nahīn aur kāraṇ-kāryapanā unake banā rahe; itanā hī

yahān̐ bandhān jānanā. so mūrtik-amūrtikake is prakār bandhān honemen kuchh virodh hai nahī̃n.

is prakār jaise ek jīvako anādi karmasambandha kahā usī prakār bhinna-bhinna anant

jīvon ke jānanā.

ghāti-aghāti karma aur unakā kārya

tathā ve karma gnānāvaraṇādi bhedonse āṭh prakārake haĩn. vahān̐ chār ghātiyā karmoṅke nimittase

to jīvake svabhāvakā ghāt hotā hai. gnānāvaraṇ-darshanāvaraṇase to jīvake svabhāv jo gnān-
darshan unakī vyakttatā nahīn hotī; un karmoṅke kṣhayopashamake anusār kiñchit gnān-darshanakī
vyakttatā rahatī hai. tathā mohanīyase jo jīvake svabhāv nahīn hain aise mithyāshraddhān va krodh,
mān, māyā, lobhādik kaṣhāy unakī vyakttatā hotī hai. tathā antarāyase jīvakā svabhāv,
dīkṣhā lene kī sāmarthyarūp vīrya usakī vyakttatā nahīn hotī; usake kṣhayopashamake anusār kiñchit
shakti hotī hai.

is prakār ghātiyā karmoke nimittase jīvake svabhāvakā ghāt anādi hī se huā hai.

aisā nahīn hai ki pahale to svabhāvarūp shuddha ātmā thā, pashchāt karma-nimittase svabhāvaghāt honese
ashuddha huā.

yahān̐ tarka hai ki — ghāt nām to abhāvakā hai; so jisakā pahale sadbhāv ho usakā

abhāv kahanā banatā hai. yahān̐ svabhāvakā to sadbhāv hai hī nahīn, ghāt kisakā kiyā?

samādhān : — jīvamen anādi hī se aisī shakti pāyī jātī hai ki karmakā nimitta na

ho to kevalagnānādi apane svabhāvarūp pravarten; parantu anādi hī se karmakā sambandha pāyā jātā
hai, isaliye us shaktikī vyaktatā nahīn huī. ataḥ shakti-apekṣhā svabhāv hai, usakā vyaktta
na hone denekī apekṣhā ghāt kiyā kahate haĩn.

< Previous Page Next Page >