Moksha-Marg Prakashak-Hindi (simplified iso15919 transliteration). Page: 15.

dūsarā adhikār ][ 25

tathā chār aghātiyā karma hain, unake nimittase is ātamāko bāhya sāmagrīkā sambandha

banatā hai. vahān̐ vedanīyase to sharīramen athavā sharīrase bāhya nānāprakār sukh-duḥkhake kāraṇ
paradravyoṅkā sanyog juṛatā hai; āyuse apanī sthiti-paryanta prāpta sharīrakā sambandha nahīn chhūṭ
sakatā; nāmase gati, jāti, sharīrādik utpanna hote hain; aur gotrase uchcha-nīch kulakī prāpti
hotī hai.

is prakār aghāti karmonse bāhya sāmagrī ekatrit hotī hai, usake dvārā mohaudayakā

sahakār hone par jīv sukhī-duḥkhī hotā hai. aur sharīrādikake sambandhase jīvake
amūrttatvādisvabhāv apane sva-arthako nahīn karate — jaise koī sharīrako pakaṛe to ātmā bhī

pakaṛā jāye. tathā jab tak karmakā uday rahatā hai tab tak bāhya sāmagrī vaisī hī banī
rahe, anyathā nahīn ho sake — aisā in aghāti karmoṅkā nimitta jānanā.

nirbal jaṛ karmon dvārā jīvake svabhāvakā ghāt tathā bāhya sāmagrī milanā

yahān̐ koī prashna kare ki — karma to jaṛ hain, kuchh balavān nahīn hain; unase jīvake

svabhāvakā ghāt honā va bāhya sāmagrīkā milanā kaise sambhav hai?

samādhānaḥ — yadi karma svayam karttā hokar udyamase jīvake svabhāvakā ghāt kare, bāhya

sāmagrīko milāve tab to karmake chetanāpanā bhī chāhiye aur balavānapanā bhī chāhiye; so to
hai nahīn, sahaj hī nimitta-naimittik sambandha hai. jab un karmoṅkā udayakāl ho; usakālamen
svayam hī ātmā svabhāvarūp pariṇaman nahīn karatā, vibhāvarūp pariṇaman karatā hai, tathā jo
anya dravya hain vai vaise hī sambandharūp hokar pariṇamit hote haĩn.

jaise — kisī puruṣhake sir par mohanadhūl paṛī hai usase vah puruṣh pāgal huā; vahān̐

us mohanadhūlako gnān bhī nahīn thā aur balavānapanā bhī nahīn thā, parantu pāgalapanā us
mohanadhūl hī se huā dekhate haĩn. vahān̐ mohanadhūlakā to nimitta hai aur puruṣh svayam hī pāgal
huā pariṇamit hotā hai — aisā hī nimitta-naimittik ban rahā hai.

tathā jis prakār sūryake udayake kālamen chakavā-chakaviyoṅkā sanyog hotā hai; vahān̐ rātrimen

kisīne dveṣhabuddhise balajabarī karake alag nahīn kiye hain, dinamen kisīne karuṇābuddhise lākar
milāye nahīn hain, sūryodayakā nimitta pākar svayam hī milate haĩn. aisā nimitta-naimittik ban
rahā hai. us hī prakār karmakā bhī nimitta-naimittik bhāv jānanā. — is prakār karmake udayase

avasthā hai.

< Previous Page Next Page >