Moksha-Marg Prakashak-Hindi (simplified iso15919 transliteration). Page: 19.

dūsarā adhikār ][ 29

usī prakār kaṣhāy hone par yogadvārase kiyā huā karmavargaṇārūp pudgalapiṇḍa

gnānāvaraṇādi prakr̥itirūp pariṇamit hotā hai. tathā un karmaparamāṇuommen yathāyogya kisī
prakr̥itirūp thoṛe aur kisī prakr̥itirūp bahut paramāṇu hote haĩn. tathā unamen kaī paramāṇuoṅkā
sambandha bahut kāl aur kaiyoṅkā thoṛe kāl rahatā hai. tathā un paramāṇuommen kaī to
apane kāryako utpanna karanekī bahut shakti rakhate hain aur kaī thoṛī shakti rakhate haĩn. vahān̐
aisā honemen kisī karmavargaṇārūp pudgalapiṇḍako gnān to hai nahīn ki main is prakār pariṇaman
karūn̐ tathā aur bhī koī pariṇaman karānevālā nahīn hai; aisā hī nimitta-naimittik bhāv ban
rahā hai, usase vaise hī pariṇaman pāyā jātā hai.

aise to lokamen nimitta-naimittik bahut hī ban rahe haĩn. jaise mantranimittase jalādikamen

rogādi dūr karanekī shakti hotī hai tathā kaṅkarī ādimen sarpādi rokanekī shakti hotī hai; usī
prakār jīvabhāvake nimittase pudgalaparamāṇuommen gnānāvaraṇādirūp shakti hotī hai. yahān̐ vichār
kar apane udyamase kārya kare to gnān chāhiye, parantu vaisā nimitta banane par svayamev vaise
pariṇaman ho to vahān̐ gnānakā kuchh prayojan nahīn hai.

is prakār navīn bandha honekā vidhān jānanā.

sattārūp karmoṅkī avasthā

ab, jo paramāṇu karmarūp pariṇamit hue hain, unakā jab tak udayakāl na āye

tab tak jīvake pradeshonse ekakṣhetrāvagāharūp bandhān rahatā hai. vahān̐ jīvabhāvake nimittase kaī
prakr̥itiyoṅkī avasthākā palaṭanā bhī ho jātā hai. vahān̐ kaī anya prakr̥itiyoṅke paramāṇu the
ve saṅkramaṇarūp hokar anya prakr̥itiyoṅke paramāṇu ho jāyẽn. tathā kaī prakr̥itiyoṅkī sthiti aur
anubhāg bahut the so apakarṣhaṇ hokar thoṛe ho jāyen, tathā kaī prakr̥itiyoṅkī sthiti evan
anubhāg thoṛe the so utkarṣhaṇ hokar bahut ho jāyẽn. is prakār pūrvamen ban̐dhe hue paramāṇuoṅkī
bhī jīvabhāvoṅkā nimitta pākar avasthā palaṭatī hai aur nimitta na bane to nahīn palaṭe, jyoṅkī
tyon rahe.

is prakār sattārūp karma rahate haĩn.

karmoṅkī udayarūp avasthā

tathā jab karmaprakr̥itiyoṅkā udayakāl āye tab svayamev un prakr̥itiyoṅke anubhāgake

anusār kārya bane, karma un kāryoṅko utpanna nahīn karate. unakā udayakāl āne par vah
kārya banatā hai — itanā hī nimitta-naimittik sambandh jānanā. tathā jis samay phal utpanna

< Previous Page Next Page >