-
44 ] [ mokṣhamārgaprakāshak
ityādi aṅgoṅko hilāne par bhāṣhāparyāptimen grahaṇ kiye gaye jo pudgalaskandh hain ve sākṣhar yā
anakṣhar shabdarūp pariṇamit hote haĩn.
tathā shubh-ashubh gamanādik hote haĩn. yahān̐ aisā jānanā ki jaise do puruṣhoṅko ikadaṇḍī
beṛī hai. vahān̐ ek puruṣh gamanādik karanā chāhe aur dūsarā bhī gamanādik kare to gamanādik
ho sakate hain, donommense ek baiṭhā rahe to gamanādik nahīn ho sakate, tathā donommen ek balavān
ho to dūsareko bhī ghasīṭ le jāye. usī prakār ātmāke aur sharīrādikarūp pudgalake
ekakṣhetrāvagāharūp bandhān hai; vahān̐ ātmā halan-chalanādi karanā chāhe aur pudgal us shaktise
rahit huā halan-chalan na kare athavā pudgalamen to shakti pāī jātī hai, parantu ātmākī
ichchhā na ho to halan-chalanādi nahīn ho sakate. tathā inamen pudgal balavān hokar halan-
chalan kare to usake sāth binā ichchhāke bhī ātmā halan-chalan karatā hai. is prakār halan-
chalanādi kriyā hotī hai. tathā isake apayash ādi bāhya nimitta banate haĩn. — is prakār
ye kārya utpanna hote hain, unase mohake anusār ātmā sukhī-duḥkhī bhī hotā hai.
aise nāmakarmake udayase svayamev nānāprakār rachanā hotī hai, anya koī karanevālā nahīn
hai. tathā tīrthaṅkarādi prakr̥iti yahān̐ hai hī nahī̃n.
gotrakarmodayajanya avasthā
gotrakarmase uchcha-nīch kulamen utpanna honā hotā hai; vahān̐ apanī adhikatā-hīnatā prāpta
hotī hai. mohake udayase ātmā sukhī-duḥkhī bhī hotā hai.
is prakār aghātikarmoṅke nimittase avasthā hotī hai.
is prakār is anādi sansāramen ghāti-aghātikarmoṅke udayake anusār ātmāke avasthā
hotī hai. so he bhavya! apane antaraṅgamen vichārakar dekh ki aise hī hai ki nahī̃n. vichār
karane par aisā hī pratibhāsit hotā hai. yadi aisā hai to tū yah mān ki — ‘‘mere anādi
sansār-rog pāyā jātā hai, usake nāshakā mujhe upāy karanā’’ — is vichārase terā kalyāṇ
hogā.
— iti shrī mokṣhamārgaprakāshak nāmak shāstramen sansār-avasthākā nirūpak
dvitīy adhikār sampūrṇa huā..2..
✾