-
92 ] [ mokShamArgaprakAshak
yahA.N prashna hai ki — sharIrakI avasthA eva.n bAhya padArtho.nme.n iShTa-aniShTa mAnanekA prayojan
to bhAsit nahI.n hotA aur iShTa-aniShTa mAne binA rahA bhI nahI.n jAtA; so kAraN kyA?
samAdhAnaH — is jIvake chAritramohake udayase rAg-dveShabhAv hote hai.n aur ve bhAv kisI
padArthake Ashray binA ho nahI.n sakate. jaise — rAg ho to kisI padArthame.n hotA hai, dveSh ho
to kisI padArthame.n hotA hai. — is prakAr un padArtho.nke aur rAg-dveShake nimitta-naimittik
sambandha hai. vahA.N visheSh itanA hai ki — kitane hI padArtha to mukhyarUpase rAgake kAraN hai.n
aur kitane hI padArtha mukhyarUpase dveShake kAraN hai.n. kitane hI padArtha kisIko kisI kAlame.n
rAgake kAraN hote hai.n tathA kisIko kisI kAlame.n dveShake kAraN hote hai.n.
yahA.N itanA jAnanA — ek kArya honeme.n anek kAraN chAhiye so rAgAdik honeme.n
antara.ng kAraN mohakA uday hai vah to balavAn hai aur bAhya kAraN padArtha hai vah balavAn
nahI.n hai. mahA muniyo.nko moh manda honese bAhya padArtho.nkA nimitta hone par bhI rAg-dveSh utpanna
nahI.n hote. pApI jIvo.nko moh tIvra honese bAhya kAraN na hone par bhI unake sa.nkalpahIse
rAg-dveSh hote hai.n. isaliye mohakA uday honese rAgAdik hote hai.n. vahA.N jis bAhya padArthake
Ashrayase rAgabhAv honA ho, usame.n binA hI prayojan athavA kuCh prayojanasahit iShTabuddhi hotI
hai. tathA jis padArthake Ashrayase dveShabhAv honA ho usame.n binA hI prayojan athavA kuCh
prayojanasahit aniShTabuddhi hotI hai. isaliye mohake udayase padArtho.nko iShTa-aniShTa mAne binA
rahA nahI.n jAtA.
is prakAr padArtho.nme.n iShTa-aniShTabuddhi hone par jo rAg-dveSharUp pariNaman hotA hai, usakA
nAm mithyAchAritra jAnanA.
tathA in rAg-dveSho.nhIke visheSh krodh, mAn, mAyA, lobh, hAsya, rati, arati, shok,
bhay, jugupsA, strIved, puruShaved, napu.nsakavedarUp kaShAyabhAv hai.n; ve sab is mithyAchAritrahIke
bhed jAnanA. inakA varNan pahale kiyA hI hai1.
tathA is mithyAchAritrame.n svarUpAcharaNachAritrakA abhAv hai, isaliye isakA nAm achAritra
bhI kahA jAtA hai. tathA yahA.N ve pariNAm miTate nahI.n hai.n athavA virakta nahI.n hai.n, isaliye
isIkA nAm asa.nyam kahA jAtA hai yA avirati kahA jAtA hai. kyo.nki pA.Nch indriyA.N aur
manake viShayo.nme.n tathA pa.nchasthAvar aur trasakI hi.nsAme.n svachChandapanA ho tathA unake tyAgarUp bhAv
nahI.n ho, vahI bArah prakArakA asa.nyam yA avirati hai. kaShAyabhAv hone par aise kArya hote
hai.n, isaliye mithyAchAritrakA nAm asa.nyam yA avirati jAnanA. tathA isIkA nAm avrat
1. pR^iShTha 38, 52