-
chauthA adhikAr ][ 93
jAnanA — kyo.nki hi.nsA, anR^it, astey, abrahma, parigrah — in pApakAryo.nme.n pravR^ittikA nAm avrat
hai. inakA mUlakAraN pramattayog kahA hai. pramattayog hai vah kaShAyamay hai, isaliye
mithyAchAritrakA nAm avrat bhI kahA jAtA hai.
aise mithyAchAritrakA svarUp kahA.
❉
isaprakAr is sa.nsArI jIvake mithyAdarshan, mithyAj~nAn, mithyAchAritrarUp pariNaman anAdise
pAyA jAtA hai. aisA pariNaman ekendriyAdi asa.nj~nI paryanta to sarva jIvo.nke pAyA jAtA hai. tathA
sa.nj~nI pa.nchendriyo.nme.n samyagdR^iShTiko Cho.Dkar anya sarva jIvo.nke aisA hI pariNaman pAyA jAtA hai.
pariNamaname.n jaisA jahA.N sa.nbhav ho vaisA vahA.N jAnanA. jaise — ekendriyAdiko.nko indriyAdikakI hInatA-
adhikatA pAI jAtI hai aur dhan-putrAdikakA sambandha manuShyAdikako hI pAyA jAtA hai. inhI.nke
nimittase mithyAdarshanAdikakA varNan kiyA hai. usame.n jaisA visheSh sa.nbhav ho vaisA jAnanA.
tathA ekandriyAdik jIv indriy, sharIrAdikakA nAm nahI.n jAnate; parantu us nAmake
artharUp jo bhAv hai usame.n pUrvokta prakArase pariNaman pAyA jAtA hai. jaise — mai.n sparshanase
sparsha karatA hU.N. sharIr merA hai aisA nAm nahI.n jAnatA, tathApi usake artharUp jo bhAv
hai usarUp pariNamit hotA hai. tathA manuShyAdik kitane hI nAm bhI jAnate hai.n aur unake
bhAvarUp pariNaman karate hai.n — ityAdi visheSh sambhav hai.n unhe.n jAn lenA.
mohakI mahimA
aise ye mithyAdarshanAdik bhAv jIvake anAdise pAye jAte hai.n, navIn grahaN nahI.n kiye
hai.n. dekho isakI mahimA, ki jo paryAy dhAraN karatA hai vahA.N binA hI sikhAye mohake udayase
svayamev aisA hI pariNaman hotA hai. tathA manuShyAdikako satyavichAr honeke kAraN milane
par bhI samyakpariNaman nahI.n hotA; aur shrIguruke upadeshakA nimitta bane, ve bArambAr samajhAye.n,
parantu yah kuCh vichAr nahI.n karatA. tathA svaya.nko bhI pratyakSha bhAsit ho vah to nahI.n mAnatA
aur anyathA hI mAnatA hai. kis prakAr? so kahate hai.nH —
maraN hone par sharIr-AtmA pratyakSha bhinna hote hai.n. ek sharIrako Cho.Dkar AtmA anya
sharIr dhAraN karatA hai; vahA.N vyantarAdik apane pUrvabhavakA sambandha pragaT karate dekhe jAte hai.n;
parantu isako sharIrase bhinnabuddhi nahI.n ho sakatI. strI-putrAdik apane svArthake sage pratyakSha
dekhe jAte hai.n; unakA prayojan siddha na ho tabhI viparIt hote dikhAI dete hai.n; yah uname.n
mamatva karatA hai aur unake artha narakAdikame.n gamanake kAraNabhUt nAnAprakArake pAp utpanna karatA