-
96 ] [ mokShamArgaprakAshak
kudev-kuguru-kudharma aur kalpit tattvo.nkA shraddhAn to mithyAdarshan hai. tathA jiname.n
viparIt nirUpaN dvArA rAgAdikA poShaN kiyA ho aise kushAstro.nme.n shraddhAnapUrvak abhyAs so
mithyAj~nAn hai. tathA jis AcharaName.n kaShAyo.nkA sevan ho aur use dharmarUp a.ngIkAr kare.n
so mithyAchAritra hai.
ab, inhI.nko visheSh batalAte hai.nH —
indra, lokapAl ityAdi; tathA advait brahma, rAm, kR^iShNa, mahAdev, buddha, khudA, pIr, paigambar
ityAdi; tathA hanumAn, bhairo.n, kShetrapAl, devI, dahA.DI, satI ityAdi; tathA shItalA, chauth, sA.njhI,
ganagaur, holI ityAdi; tathA sUrya, chandramA, grah, aut, pitR^i, vyantar ityAdi; tathA gAy, sarpa
ityAdi; tathA agni, jal, vR^ikSha ityAdi; tathA shastra, davAt, bartan ityAdi anek hai.n; unakA
anyathA shraddhAn karake unako pUjate hai.n aur unase apanA kArya siddha karanA chAhate hai.n, parantu
ve kAryasiddhike kAraN nahI.n hai.n. isaliye aise shraddhAnako gR^ihitamithyAtva kahate hai.n.
vahA.N unakA anyathA shraddhAn kaise hotA hai so kahate hai.nH —
sarvavyApI advait brahma
advait brahma✽ko sarvavyApI sarvakA karttA mAnate hai.n, so koI hai nahI.n. pratham use
sarvavyApI mAnate hai.n so sarva padArtha to nyAre-nyAre pratyakSha hai.n tathA unake svabhAv nyAre-nyAre
dekhe jAte hai.n, unhe.n ek kaise mAnA jAye? inakA mAnanA to in prakAro.nse haiH —
ek prakAr to yah hai ki — sarva nyAre-nyAre hai.n, unake samudAyakI kalpanA karake usakA
kuCh nAm rakh le.n. jaise gho.DA, hAthI Adi bhinna-bhinna hai.n; unake samudAyakA nAm senA hai,
unase bhinna koI senA vastu nahI.n hai. so is prakArase sarva padArtha jinakA nAm brahma hai vah
brahma koI bhinna vastu to siddha nahI.n huI, kalpanA mAtra hI ThaharI.
tathA ek prakAr yah hai ki — vyakti apekShA to nyAre-nyAre hai.n, unhe.n jAti apekShA —
kalpanAse ek kahA jAtA hai. jaise — sau gho.De hai.n so vyakti apekShA to bhinna-bhinna sau hI
hai.n, unake AkArAdikI samAnatA dekhakar ek jAti kahate hai.n, parantu vah jAti unase koI
✽
‘sarva vaikhalvida.n brahma’ ChAndogyopaniShad pra0 kha.n0 14 ma.n0 1
‘neh nAnAstirkichan’ kaThopaniShad a0 2 va0 41 ma.n0 11
brahmaivedamamR^ita.n purastAd brahmadakShiNatapashchottareNa.
aghashchordhva.n cha prasR^ita.n brahmaiveda.n vishvamida.n variShTham .. muNDako0 kha.n0 3 ma.n0 11