-
pA.NchavA.N adhikAr ][ 99
ghaTapaTAdikako aur AkAshako ek hI kahe.n to kaise banegA? usI prakAr lokako aur brahmako
ek mAnanA kaise sambhav hai. tathA AkAshakA lakShaN to sarvatra bhAsit hai, isaliye usakA
to sarvatra sadbhAv mAnate hai.n; brahmakA lakShaN to sarvatra bhAsit nahI.n hotA, isaliye usakA
sarvatra sadbhAv kaise mAne.n. is prakArase bhI sarvarUp brahma nahI.n hai.
aisA vichAr karane par kisI bhI prakArase ek brahma sambhavit nahI.n hai. sarva padArtha
bhinna - bhinna hI bhAsit hote hai.n.
yahA.N prativAdI kahatA hai ki — sarva ek hI hai, parantu tumhe.n bhram hai, isaliye tumhe.n ek
bhAsit nahI.n hotA. tathA tumane yukti kahI so brahmakA svarUp yuktigamya nahI.n hai, vachan-agochar
hai. ek bhI hai; anek bhI hai; bhinna bhI hai, milA bhI hai. usakI mahimA aisI hI hai.
usase kahate hai.n ki — pratyakSha tujhako va hamako va sabako bhAsit hotA hai use to
tU bhram kahatA hai. aur yuktise anumAn kare.n so tU kahatA hai ki sachchA svarUp yuktigamya
hai hI nahI.n. tathA vah kahatA hai — sachchA svarUp vachan-agochar hai to vachan binA kaise nirNay
kare.n? tathA kahatA hai — ek bhI hai, anek bhI hai; bhinna bhI hai, milA bhI hai; parantu unakI
apekShA nahI.n batalAtA; bAvalekI bhA.Nti aise bhI hai, aise bhI hai — aisA kahakar isakI mahimA
batalAtA hai. parantu jahA.N nyAy nahI.n hotA vahA.N jhUThe aisA hI vAchAlapanA karate hai.n so karo,
nyAy to jis prakAr satya hai usI prakAr hogA.
sR^iShTikarttAvAdakA nirAkaraN
tathA ab, brahmako lokakA karttA mAnatA hai use mithyA dikhalAte hai.n.
pratham to aisA mAnatA hai ki brahmako aisI ichChA huI ki — ‘eko.aha.n bahusyA.n’ arthAt
mai.n ek hU.N so bahut hoU.NgA.
vahA.N pUChate hai.n — pUrva avasthAme.n duHkhI ho tab anya avasthAko chAhe. so brahmane ek
avasthAse bahutarUp honekI ichChA kI to us ekarUp avasthAme.n kyA duHkh thA? tab vah
kahatA hai ki duHkh to nahI.n thA, aisA hI kautUhal utpanna huA. use kahate hai.n — yadi pahale
tho.DA sukhI ho aur kautUhal karanese bahut sukhI ho to kautUhal karanekA vichAr kare.
so brahmako ek avasthAse bahut avasthArUp hone par bahut sukh honA kaise sambhav hai? aur
yadi pUrva sampUrNa sukhI ho to avasthA kisaliye palaTe? prayojan binA to koI kuCh karttavya
karatA nahI.n hai.