-
sAtavA.N adhikAr ][ 241
sambhav ho vaisA nichalI avasthAvAlA bhI kare; parantu jis nichalI avasthAme.n jo kArya sa.nbhav
hI nahI.n hai, usakA karanA to kaShAyabhAvo.nse hI hotA hai. jaise — koI saptavyasanakA sevan
karatA ho aur svastrIkA tyAg kare; to kaise ho sakatA hai? yadyapi svastrIkA tyAg karanA
dharma hai; tathApi pahale saptavyasanakA tyAg ho, tabhI svastrIkA tyAg karanA yogya hai. — isI
prakAr anya jAnanA.
tathA sarva prakArase dharmako na jAnatA ho — aisA jIv dharmake a.ngako mukhya karake anya
dharmo.nko gauN karatA hai. jaise — koI jIv dayA-dharmako mukhya karake pUjA – prabhAvanAdi kAryakA
utthApan karate hai.n; kitane hI pUjA-prabhAvanAdi dharmako mukhya karake hi.nsAdikakA bhay nahI.n rakhate;
kitane hI tapakI mukhyatAse ArttadhyAnAdik karake bhI upavAsAdi karate hai.n, tathA apaneko
tapasvI mAnakar niHsha.nk krodhit karate hai.n; kitane hI dAnakI mukhyatAse bahut pAp karake bhI
dhan upArjan karake dAn dete hai.n; kitane hI Arambha-tyAgakI mukhyatAse yAchanA Adi karate
hai.n;1 ityAdi prakArase kisI dharmako mukhya karake anya dharmako nahI.n ginate tathA usake Ashrayase
pApakA AcharaN karate hai.n.
unakA yah kArya aisA huA jaise avivekI vyApArIko kisI vyApArame.n naphe ke artha
anya prakArase bahut ToTA pa.DtA hai. chAhiye to aisA ki jaise vyApArIkA prayojan naphA
hai, sarva vichAr kar jaise naphA bahut ho vaisA kare; usI prakAr j~nAnIkA prayojan vItarAgabhAv
hai, sarva vichAr kar jaise vItarAgabhAv bahut ho vaisA kare, kyo.nki mUladharma vItarAgabhAv hai.
isIprakAr avivekI jIv anyathA dharma a.ngIkAr karate hai.n; unake to samyakchAritrakA
AbhAs bhI nahI.n hotA.
tathA kitane hI jIv aNuvrat-mahAvratAdirUp yathArtha AcharaN karate hai.n — aur AcharaNake
anusAr hI pariNAm hai.n, koI mAyA-lobhAdikakA abhiprAy nahI.n hai; unhe.n dharma jAnakar mokShake
artha unakA sAdhan karate hai.n, kinhI.n svargAdikake bhogo.nkI bhI ichChA nahI.n rakhate; parantu tattvaj~nAn
pahale nahI.n huA, isaliye Ap to jAnate hai.n ki mai.n mokShakA sAdhan kar rahA hU.N; parantu jo
mokShakA sAdhan hai use jAnate bhI nahI.n, keval svargAdikakA hI sAdhan karate hai.n. koI misarIko
amR^it jAnakar bhakShaN kare to usase amR^itakA guN to nahI.n hotA; apanI pratItike anusAr
phal nahI.n hotA; phal to jaise sAdhan kare vaisA hI lagatA hai.
1. yahA.N pa.n. ToDaramalajIkI hastalikhit pratike hAsiyeme.n is prakAr likhA hai — ‘ihA.N snAnAdi shauchadharmmakA
kathan tathA laukik kArya Ae.N dharmma Cho.Di tahA.N lagi jAy tinikA kathan likhanA.n hai.’