-
AThavA.N adhikAr ][ 303
poShaN kiyA hai; parantu rAgAdi ba.DhAnekA prayojan kahI.n nahI.n hai, isaliye jinamatakA sarva kathan
nirdoSh hai. aur anyamatame.n kahI.n rAgAdi miTAneke prayojan sahit kathan karate hai.n, kahI.n rAgAdi
ba.DhAneke prayojan sahit kathan karate hai.n; isIprakAr anya bhI prayojanakI viruddhatA sahit kathan
karate hai.n, isaliye anyamatakA kathan sadoSh hai. lokame.n bhI ek prayojanakA poShaN karanevAle
nAnA kathan kahe use prAmANik kahA jAtA hai aur anya-anya prayojanakA poShaN karanevAlI
bAt kare use bAvalA kahate hai.n.
tathA jinamatame.n nAnAprakArake kathan hai.n so bhinna-bhinna apekShA sahit hai.n vahA.N doSh nahI.n
hai. anyamatame.n ek hI apekShA sahit anya-anya kathan karate hai.n vahA.N doSh hai. jaise –
jinadevake vItarAgabhAv hai aur samavasaraNAdi vibhUti bhI pAyI jAtI hai, vahA.N virodh nahI.n
hai. samavasaraNAdi vibhUtikI rachanA indrAdik karate hai.n, unako usame.n rAgAdik nahI.n hai, isaliye
dono.n bAte.n sambhavit hai.n. aur anyamatame.n Ishvarako sAkShIbhUt vItarAg bhI kahate hai.n tathA usIke
dvArA kiye gaye kAm-krodhAdibhAv nirUpit karate hai.n, so ek AtmAko hI vItarAgapanA aur
kAm-krodhAdi bhAv kaise sambhavit hai.n? isIprakAr anyatra jAnanA.
tathA kAladoShase jinamatame.n ek hI prakArase koI kathan viruddha likhe hai.n; so yah
tuchChabuddhiyo.nkI bhUl hai, kuCh matame.n doSh nahI.n hai. vahA.N bhI jinamatakA atishay itanA hai
ki pramANaviruddha kathan koI nahI.n kar sakatA. kahI.n saurIpurame.n, kahI dvArAvatIme.n neminAth
svAmIkA janma likhA hai; so kahI.n bhI ho, parantu nagarame.n janma honA pramANaviruddha nahI.n hai,
Aj bhI hote dikhAI dete hai.n.
tathA anyamatame.n sarvaj~nAdik yathArtha j~nAniyo.nke rache hue grantha batalAte hai.n, parantu uname.n
paraspar viruddhatA bhAsit hotI hai. kahI.n to bAlabrahmachArIkI prasha.nsA karate hai.n, kahI.n kahate
hai.n – ‘putra binA gati nahI.n hotI’ – so dono.n sachche kaise ho.n? aise kathan vahA.N bahut pAye jAte
hai.n. tathA uname.n pramANaviruddha kathan pAye jAte hai.n. jaise – ‘mukhame.n vIrya giranese maChalIke putra
huA’, so aisA is kAlame.n kisIke hotA dikhAI nahI.n detA aur anumAnase bhI nahI.n milatA –
aise kathan bhI bahut pAye jAte hai.n. yadi yahA.N sarvaj~nAdikakI bhUl mAne to ve kaise bhUle.nge?
aur viruddha kathan mAnaneme.n nahI.n AtA; isaliye unake matame.n doSh ThaharAte hai.n. aisA jAnakar
ek jinamatakA hI upadesh grahaN karane yogya hai.
anuyogo.nkA abhyAsakram
vahA.N prathamAnuyogAdikA abhyAs karanA. pahale isakA abhyAs karanA, phi ra isakA