-
nauvA.N adhikAr ][ 307
sahakArI kAraN bhI dUr ho jAye tab pragaTarUp nirAkuladashA bhAsit hotI hai. vahA.N kevalaj~nAnI
bhagavAn anantasukharUp dashAko prApta kahe jAte hai.n.
tathA aghAti karmo.nke udayake nimittase sharIrAdikakA sa.nyog hotA hai; vahA.N mohakarmakA
uday honese sharIrAdikA sa.nyog AkulatAko bAhya sahakArI kAraN hai. antara.ng mohake udayase
rAgAdik ho.n aur bAhya aghAti karmo.nke udayase rAgAdikake kAraN sharIrAdikakA sa.nyog ho –
tab AkulatA utpanna hotI hai. tathA mohake udayakA nAsh hone par bhI aghAti karmakA uday
rahatA hai, vah kuCh bhI AkulatA utpanna nahI.n kar sakatA; parantu pUrvame.n AkulatAkA sahakArI
kAraN thA, isaliye aghAti karmakA bhI nAsh AtmAko iShTa hI hai. kevalIko inake hone
par bhI kuCh duHkh nahI.n hai, isaliye inake nAshakA udyam bhI nahI.n hai; parantu mohakA nAsh
hone par yah karma apane Ap tho.De hI kAlame.n sarvanAshako prApta ho jAte hai.n.
isaprakAr sarva karmo.nkA nAsh honA AtmAkA hit hai. tathA sarva karmake nAshakA hI
nAm mokSha hai. isaliye AtmAkA hit ek mokSha hI hai aur kuCh nahI.n – aisA nishchay karanA.
yahA.N koI kahe – sa.nsAradashAme.n puNyakarmakA uday hone par bhI jIv sukhI hotA hai; isaliye
keval mokSha hI hit hai, aisA kisaliye kahate hai.n?
samAdhAnaH – sa.nsAradashAme.n sukh to sarvathA hai hI nahI.n; duHkh hI hai. parantu kisIke kabhI
bahut duHkh hotA hai, kisIke kabhI tho.DA duHkh hotA hai; so pUrvame.n bahut duHkh thA va anya
jIvo.nke bahut duHkh pAyA jAtA hai, us apekShAse tho.De duHkhavAleko sukhI kahate hai.n. tathA
usI abhiprAyase tho.De duHkhavAlA apaneko sukhI mAnatA hai; paramArthase sukh hai nahI.n. tathA
yadi tho.DA bhI duHkh sadAkAl rahatA ho to use bhI hitarUp ThaharAye.n, so vah bhI nahI.n hai;
tho.De kAl hI puNyakA uday rahatA hai aur vahA.N tho.DA duHkh hotA hai, pashchAt bahut duHkh
ho jAtA hai; isaliye sa.nsAraavasthA hitarUp nahI.n hai.
jaise – kisIko viShamajvar hai; usako kabhI asAtA bahut hotI hai, kabhI tho.DI hotI
hai. tho.DI asAtA ho to vah apaneko achChA mAnatA hai. log bhI kahate hai.n — achChA hai;
parantu paramArthase jabatak jvarakA sadbhAv hai tabatak achChA nahI.n hai. usI prakAr sa.nsArIko
mohakA uday hai; usako kabhI AkulatA bahut hotI hai, kabhI tho.DI hotI hai. tho.DI AkulatA
ho tab vah apaneko sukhI mAnatA hai. log bhI kahate hai.n — sukhI hai; parantu paramArthase jab
tak mohakA sadbhAv hai tab tak sukh nahI.n hai.
tathA suno, sa.nsAradashAme.n bhI AkulatA ghaTane par sukh nAm pAtA hai, AkulatA ba.Dhne
par duHkh nAm pAtA hai; kahI.n bAhyasAmagrIse sukh-duHkh nahI.n hai. jaise — kisI daridrIko ki.nchit