-
22 ] [ mokShamArgaprakAshak
karmabandhanakA nidAn
so yahA.N pratham hI karmabandhanakA nidAn batalAte hai.nH —
karmabandhan honese nAnA aupAdhik bhAvo.nme.n paribhramaNapanA pAyA jAtA hai, ekarUp rahanA
nahI.n hotA; isaliye karmabandhan sahit avasthAkA nAm sa.nsAr-avasthA hai. is sa.nsAr- avasthAme.n
anantAnta jIvadravya hai.n ve anAdi hI se karmabandhan sahit hai.n. aisA nahI.n hai ki pahale jIv
nyArA thA aur karma nyArA thA, bAdame.n inakA sa.nyog huA. to kaise hai.n? — jaise merugiri
Adi akR^itrim skandho.nme.n ananta pudgalaparamANu anAdise ekabandhanarUp hai.n, phi ra uname.nse kitane
paramANu bhinna hote hai.n, kitane hI naye milate hai.n, is prakAr milanA – biChu.DnA hotA hai. usI
prakAr is sa.nsAr me.n ek jIvadravya aur ananta karmarUp pudgalaparamANu unakA anAdise
ekabandhanarUp hai, phi ra uname.n kitane hI karmaparamANu bhinna hote hai.n, kitane hI naye milate hai.n. —
is prakAr milanA - biChu.DnA hotA rahatA hai.
karmo.nke anAdipanekI siddhi
yahA.N prashna hai ki — pudgalaparamANu to rAgAdikake nimittase karmarUp hote hai.n, anAdi
karmarUp kaise hai.n? samAdhAnaH — nimitta to navIn kArya ho usame.n hI sambhav hai, anAdi avasthAme.n
nimittakA kuCh prayojan nahI.n hai. jaise — navIn pudgalaparamANuo.nkA ba.ndhAn to snigdha-rUkSha guNake
a.nsho.n hI se hotA hai aur merugiri Adi skandho.nme.n anAdi pudgalaparamANuo.nkA ba.ndhAn hai,
vahA.N nimittakA kyA prayojan hai? usI prakAr navIn paramANuo.nkA karmarUp honA to rAgAdik
hI se hotA hai aur anAdi padgalaparamANuo.nkI karmarUp hI avasthA hai, vahA.N nimittakA kyA
prayojan hai? tathA yadi anAdime.n bhI nimitta mAne.n to anAdipanA rahatA nahI.n; isaliye karmakA
bandha anAdi mAnanA. so tattvapradIpikA pravachanasAr shAstrakI vyAkhyAme.n jo sAmAnyaj~neyAdhikAr
hai vahA.N kahA haiH — rAgAdikakA kAraN to dravyakarma hai aur dravyakarmakA kAraN rAgAdik hai.n.
tab vahA.N tarka kiyA hai ki — aise to itaretarAshrayadoSh lagatA hai — vah usake Ashrit, vah
usake Ashrit, kahI.n rukAv nahI.n hai. tab uttar aisA diyA haiH —
naiva.n anAdiprasiddhadravyakarmmasambandhasya tatra hetutvenopAdAnAt.✽
arthaH — is prakAr itaretarAshrayadoSh nahI.n hai; kyo.nki anAdikA svaya.nsiddha dravyakarmakA
sambandha hai usakA vahA.N kAraNapanese grahaN kiyA hai.
✽
na hi anAdiprasiddhadravyakarmAbhisambaddhasyAtmanaH prAktanadravyakarmaNastatra hetutvenopAdAnAt. — pravachanasAr TIkA, gAthA 121