-
80 ] [ mokShamArgaprakAshak
mithyAdarshanakI pravR^itti
ab, sa.nsArI jIvo.nke mithyAdarshanakI pravR^itti kaise pAyI jAtI hai so kahate hai.n. yahA.N
varNan to shraddhAnakA karanA hai; parantu jAnegA to shraddhAn karegA, isaliye jAnanekI mukhyatAse
varNan karate hai.n.
jIv-ajIvatattva sambandhI ayathArtha shraddhAn
anAdikAlase jIv hai vah karmake nimittase anek paryAye.n dhAraN karatA hai. vahA.N pUrva
paryAyako Cho.DtA hai, navIn paryAy dhAraN karatA hai. tathA vah paryAy ek to svaya.n AtmA
aur ananta pudgalaparamANumay sharIr unase ekapiNDa bandhAnarUp hai. tathA jIvako us
paryAyame.n — ‘yah mai.n hU.N’ — aisI aha.nbuddhi hotI hai. tathA svaya.n jIv hai, usakA svabhAv to
j~nAnAdik hai aur vibhAv krodhAdik hai.n aur pudgalaparamANuo.nke varNa, ga.ndh, ras, sparshAdi svabhAv
hai.n — un sabako apanA svarUp mAnatA hai.
‘ye mere hai.n’ — is prakAr uname.n mamatvabuddhi hotI hai. tathA svaya.n jIv hai, usake
j~nAnAdikakI tathA krodhAdikakI adhikatA-hInatArUp avasthA hotI hai aur pudgalaparamANuo.nkI
varNAdi palaTanerUp avasthA hotI hai un sabako apanI avasthA mAnatA hai. ‘yah merI avasthA
hai’ — aisI mamatvabuddhi karatA hai.
tathA jIv aur sharIrake naimitta-naimittik sambandha hai, isaliye jo kriyA hotI hai use
apanI mAnatA hai. apanA darshan-j~nAn svabhAv hai, usakI pravR^ittiko nimittamAtra sharIrake a.ngarUp
sparshanAdi dravyaindriyA.N hai.n; yah unhe.n ek mAnakar aisA mAnatA hai ki — hAth Adise mai.nne sparsha
kiyA, jIbhase svAd liyA, nAsikAse sU.NghA, netrase dekhA, kAno.nse sunA. manovargaNArUp ATh
pa.nkhu.Diyo.nke phU le kamalake AkArakA hR^idayasthAname.n dravyaman hai, vah dR^iShTigamya nahI.n aisA hai, so
sharIrakA a.ng hai; usake nimitta hone par smaraNAdirUp j~nAnakI pravR^itti hotI hai. yah dravyamanako
aur j~nAnako ek mAnakar aisA mAnatA hai ki mai.nne manase jAnA.
tathA apaneko bolanekI ichChA hotI hai tab apane pradesho.nko jis prakAr bolanA bane
us prakAr hilAtA hai, tab ekakShetrAvagAh sambandhake kAraN sharIrake a.ng bhI hilate hai.n.
unake nimittase bhAShAvargaNArUp pudgal vachanarUp pariNamit hote hai.n; yah sabako ek mAnakar
aisA mAnatA hai ki mai.n bolatA hU.N.
tathA apaneko gamanAdi kriyAkI yA vastu grahaNAdikakI ichChA hotI hai tab apane
pradesho.nko jaise kArya bane vaise hilAtA hai. vahA.N ekakShetrAvagAhake kAraN sharIrake a.ng hilate
hai.n tab vah kArya banatA hai; athavA apanI ichChAke binA sharIr hilatA hai tab apane pradesh