aise is param pavitra shAstramen tIn shrutaskandha hain . pratham shrutaskandhakA nAm ‘gnAnatattvapragnApan’ hai . anAdikAlase paronmukh jIvonko kabhI aisI shraddhA nahIn huI ki ‘main gnAnasvabhAv hUn aur merA sukh mujhamen hI hai’ . isIlie usakI paramukhApekShI – paronmukhavRutti kabhI nahIn TalatI . aise dIn dukhI jIvon par AchAryadevane karuNA karake is adhikAramen jIvakA gnAnAnandasvabhAv vistArapUrvak samajhAyA hai; usIprakAr kevalIke gnAn aur sukh prApta karanekI prachur utkRuShTa bhAvanA bahAI hai . ‘‘kShAyik gnAn hI upAdey hai, kShAyopashamikagnAnavAle to karmabhArako hI bhogate hain; pratyakShagnAn hI ekAntik sukh hai, parokShagnAn to atyant Akul hai; kevalIkA atIndriy sukh hI sukh hai, indriyajanit sukh to dukh hI hai; siddha bhagavAn svayamev gnAn, sukh aur dev hain, ghAtikarma rahit bhagavAnakA sukh sunakar bhI jinhen unake prati shraddhA nahIn hotI ve abhavya (dUrabhavya) hain’’ yon anekAnek prakArase AchAryadevane kevalagnAn aur atIndriy, paripUrNa sukhake liye pukAr kI hai . kevalIke gnAn aur Anandake lie AchAryadevane aisI bhAv bharI dhun machAI hai ki jise sunakar – paDhakar sahaj hI aisA lagane lagatA hai ki videhavAsI sImandhar bhagavAnake aur kevalI bhagavantonke jhuNDamense bharatakShetramen Akar tatkAl hI kadAchit AchAryadevane yah adhikAr rachakar apanI hRudayormiyAn vyakta kI hon. is prakAr gnAn aur sukhakA anupam nirUpaN karake is adhikAramen AchAryadevane mumukShuonko atIndriy gnAn aur sukhakI ruchi tathA shraddhA karAI hai, aur antim gAthAommen moh – rAg – dveShako nirmUl karanekA jinokta yathArtha upAy sankShepamen batAyA hai .

dvitIy shrutaskandhakA nAm ‘gneyatattva – pragnApan’ hai . anAdikAlase paribhramaN karatA huA jIv sab kuchh kar chukA hai, kintu usane sva – parakA bhedavignAn kabhI nahIn kiyA . use kabhI aisI sAnubhav shraddhA nahIn huI ki ‘bandh mArgamen tathA mokShamArgamen jIv akelA hI kartA, karma, karaN aur karmaphal banatA hai, usakA parake sAth kabhI bhI kuchh bhI sambandha nahIn hai’. isalie hajAron mithyA upAy karane par bhI vah dukh mukta nahIn hotA . is shrutaskandhamen AchAryadevane dukhakI jaD chhedanekA sAdhan – bhedavignAn – samajhAyA hai . ‘jagatakA pratyek sat arthAt pratyek dravya utpAd – vyay – dhrauvyake atirikta yA guN – paryAy samUhake atirikta anya kuchh bhI nahIn hai . sat kaho, dravya kaho, utpAd – vyay – dhrauvya kaho yA guNaparyAyapiNDa kaho, – yah sab ek hI hai’ yah trikAlagna jinendrabhagavAnake dvArA sAkShAt dRuShTa vastusvarUpakA mUlabhUt siddhAnta hai . vItarAgavignAnakA yah mUlabhUt siddhAnta prArambhakI bahutasI gAthAommen atyadhik sundar rItise, kisI lokottar vaignAnik Dhangase