aise is param pavitra shāstramen tīn shrutaskandha hain . pratham shrutaskandhakā nām
‘gnānatattvapragnāpan’ hai . anādikālase paronmukh jīvoṅko kabhī aisī shraddhā nahīn huī ki ‘main
gnānasvabhāv hūn̐ aur merā sukh mujhamen hī hai’ . isīlie usakī paramukhāpekṣhī – paronmukhavr̥utti
kabhī nahīn ṭalatī . aise dīn dukhī jīvon par āchāryadevane karuṇā karake is adhikāramen
jīvakā gnānānandasvabhāv vistārapūrvak samajhāyā hai; usīprakār kevalīke gnān aur sukh
prāpta karanekī prachur utkr̥uṣhṭa bhāvanā bahāī hai . ‘‘kṣhāyik gnān hī upādey hai,
kṣhāyopashamikagnānavāle to karmabhārako hī bhogate hain; pratyakṣhagnān hī ekāntik sukh hai,
parokṣhagnān to atyant ākul hai; kevalīkā atīndriy sukh hī sukh hai, indriyajanit sukh
to duḥkh hī hai; siddha bhagavān svayamev gnān, sukh aur dev hain, ghātikarma rahit bhagavānakā
sukh sunakar bhī jinhen unake prati shraddhā nahīn hotī ve abhavya (dūrabhavya) hain’’ yon
anekānek prakārase āchāryadevane kevalagnān aur atīndriy, paripūrṇa sukhake liye pukār kī
hai . kevalīke gnān aur ānandake lie āchāryadevane aisī bhāv bharī dhun machāī hai ki
jise sunakar – parḥakar sahaj hī aisā lagane lagatā hai ki videhavāsī sīmandhar bhagavānake
aur kevalī bhagavantoṅke jhuṇḍamense bharatakṣhetramen ākar tatkāl hī kadāchit āchāryadevane yah
adhikār rachakar apanī hr̥udayormiyān̐ vyakta kī hon. is prakār gnān aur sukhakā anupam
nirūpaṇ karake is adhikāramen āchāryadevane mumukṣhuoṅko atīndriy gnān aur sukhakī ruchi
tathā shraddhā karāī hai, aur antim gāthāommen moh – rāg – dveṣhako nirmūl karanekā jinokta
yathārtha upāy saṅkṣhepamen batāyā hai .
dvitīy shrutaskandhakā nām ‘gneyatattva – pragnāpan’ hai . anādikālase paribhramaṇ karatā
huā jīv sab kuchh kar chukā hai, kintu usane sva – parakā bhedavignān kabhī nahīn kiyā .
use kabhī aisī sānubhav shraddhā nahīn huī ki ‘bandh mārgamen tathā mokṣhamārgamen jīv akelā
hī kartā, karma, karaṇ aur karmaphal banatā hai, usakā parake sāth kabhī bhī kuchh bhī
sambandha nahīn hai’. isalie hajāron mithyā upāy karane par bhī vah duḥkh mukta nahīn hotā .
is shrutaskandhamen āchāryadevane duḥkhakī jaṛ chhedanekā sādhan – bhedavignān – samajhāyā hai .
‘jagatakā pratyek sat arthāt pratyek dravya utpād – vyay – dhrauvyake atirikta yā guṇ – paryāy
samūhake atirikta anya kuchh bhī nahīn hai . sat kaho, dravya kaho, utpād – vyay – dhrauvya
kaho yā guṇaparyāyapiṇḍa kaho, – yah sab ek hī hai’ yah trikālagna jinendrabhagavānake dvārā
sākṣhāt dr̥uṣhṭa vastusvarūpakā mūlabhūt siddhānta hai . vītarāgavignānakā yah mūlabhūt siddhānta
prārambhakī bahutasī gāthāommen atyadhik sundar rītise, kisī lokottar vaignānik ḍhaṅgase
[ 13 ]