Pravachansar-Hindi (simplified iso15919 transliteration).

ṭīkāyen shrutakevalīke vachanon jaisī hain . jaise mūl shāstrakārake shāstra anubhav – yukti ādi

samasta samr̥uddhiyonse samr̥uddha hain vaise hī ṭīkākārakī ṭīkāyen bhī un un sarva samr̥uddhiyonse
vibhūṣhit hain . shāsanamānya bhagavān kundakundāchāryadevane māno ki ve kundakundabhagavānke hr̥udayamen

paiṭh gaye hon isaprakārase unake gambhīr āshayoṅko yathārthatayā vyakta karake unake gaṇadhar jaisā
kārya kiyā hai . shrī amr̥utachandrāchāryadev dvārā rachit kāvya bhī adhyātmaras aur ātmānubhavakī

mastīse bharapūr hain . shrī samayasārakī ṭīkāmen ānevāle kāvyon (kalashon)ne shrī padmaprabhadev

jaise samartha munivaron par gaharī chhāp jamāī hai, aur āj bhī tattvagnān tathā adhyātmarasase
bhare hue ve madhur kalash adhyātmarasikoṅke hadayake tārako jhanajhanā ḍālate hain .

adhyātmakavike rūpamen shrī amr̥utachandrāchāryadevakā sthān advitīy hai .

pravachanasāramen bhagavān kundakundāchāryadevane 275 gāthāoṅkī rachanā prākr̥itamen kī hai .

usapar shrī amr̥utachandrāchāryane tattvadīpikā nāmak tathā shrī jayasenāchāryane tātparyavr̥utti nāmak
sanskr̥it ṭīkākī rachanā kī hai . shrī pāṇḍe hemarājajīne tattvadīpikākā bhāvārtha hindīmen likhā

hai, jisakā nām ‘bālāvabodhabhāṣhāṭīkā’ rakhā hai . vikram samvat 1969men shrī

paramashrutaprabhāvak maṇḍal dvārā prakāshit hindī pravachanasāramen mūl gāthāyen, donon sanskr̥it
ṭīkāyen, aur shrī hemarājajīkr̥ut hindī bālāvabodhabhāṣhāṭīkā mudrit huī hai . ab is

prakāshit gujarātī pravachanasāramen mūl gāthāyen, unakā gujarātī padyānuvād, sanskr̥it tattvadīpikā
ṭīkā aur un gāthā va ṭīkākā akṣharashaḥ gujarātī anuvād pragaṭ kiyā gayā hai . jahān̐ kuchh

visheṣh spaṣhṭīkaraṇ karanekī āvashyakatā pratīt huī hai vahān̐ koṣhṭhakamen athavā ‘bhāvārtha’men yā
phū ṭanoṭamen spaṣhṭatā kī gaī hai . us spaṣhṭatā karanemen bahut sī jagah shrī jayasenāchāryakī

‘tātparyavr̥utti’ atyanta upayogī huī hai aur kahī kahīn shrī hemarājajīkr̥ut
bālāvabodhabhāṣhāṭīkākā bhī ādhār liyā hai . shrī paramashrutaprabhāvak maṇḍal dvārā prakāshit

pravachanasāramen mudrit sanskr̥it ṭīkāko hastalikhit pratiyonse milān karane par usamen kahīn kahīn
jo alpa ashuddhiyān̐ mālūm huī ve isamen ṭhīk kar lī gaī hain .

yah anuvād karanekā mahābhāgya mujhe prāpta huā, jo ki mere liye atyanta harṣhakā

kāraṇ hai . paramapūjya adhyātmamūrti sadgurudev shrī kānajīsvāmīke āshrayamen is gahan

shāstrakā anuvād huā hai . anuvād karanekī sampūrṇa shakti mujhe pūjyapād sadgurudevase hī

prāpta huī hai . paramopakārī sadgurudevake pavitra jīvanake pratyakṣha parichayake binā aur unake

ādhyātmik upadeshake binā is pāmarako jinavāṇīke prati leshamātra bhī bhakti yā shraddhā
kahān̐se pragaṭ hotī, bhagavān kundakundāchāryadev aur unake shāstroṅkī rañchamātra mahimā kahān̐se

[ 16 ]

< Previous Page Next Page >