pramāṇabhūt, sādyanta, shāntarasanirjharatā charaṇānuyogakā pratipādan anya kisī shāstramen nahīn hai . hr̥udayamen bhare hue anubhavāmr̥utamen otaprot hokar nikalatī huī donon āchāryadevoṅkī vāṇīmen koī aisā chamatkār hai ki vah jis jis viṣhayako sparsha karatī hai us us viṣhayako param rasamay, shītal – shītal aur sudhāsyandī banā detī hai .
is prakār tīn shrutaskandhommen vibhājit yah param pavitra paramāgam mumukṣhuoṅko yathārtha vastusvarūpake samajhanemen mahānimittabhūt hai . is shāstramen jinashāsanake anek mukhya mukhya siddhāntoṅke bīj vidyamān hain . is shāstramen pratyek padārthakī svatantratākī ghoṣhaṇā kī gaī hai tathā divyadhvanike dvārā vinirgat anek prayojanabhūt siddhāntoṅkā dohan hai . paramapūjya gurudev shrī kānajīsvāmī anek bār kahate hai ki — ‘shrī samayasār, pravachanasār, niyamasār ādi shāstroṅkī gāthā – gāthāmen divyadhvanikā sandesh hai . in gāthāommen itanī apār gaharāī hai ki usakā māp karanemen apanī hī shaktikā māp hojātā hai . yah sāgaragambhīr shāstroṅke rachayitā paramakr̥upālu āchāryabhagavānakā koī param alaukik sāmarthya hai . param adbhut sātishay antarbāhya yogoṅke binā in shāstroṅkā rachā jānā shakya nahīn hai . in shāstroṅkī vāṇī tairate hue puruṣhakī vāṇī hai yah spaṣhṭa pratīt hotā hai . inakī pratyek gāthā chhaṭhaven – sātaven guṇasthānamen jhūlanevāle mahāmunike ātmānubhavase nikalī huī hai . in shāstroṅke kartā bhagavān kundakundāchāryadev mahāvidehakṣhetramen sarvagna vītarāg bhī sīmandhar bhagavānake samavasaraṇamen gaye the, aur vahān̐ ve āṭh din rahe the yah bāt yathātathya hai, akṣharashaḥ satya hai, pramāṇasiddha hai . un paramopakārī āchāryadevake dvārā rachit samayasār, pravachanasār ādi shāstrommen tīrthaṅkaradevakī omkāradhvanimense hī nikalā huā upadesh hai .’
bhagavān kundakundāchāryadevakr̥ut is shāstrakī prākr̥it gāthāoṅkī ‘tattvadīpikā’ nāmak sanskr̥it ṭīkā shrī amr̥utachandrāchārya (jo ki lagabhag vikram samvatkī 10vīn shatābdīmen ho gaye hain)ne rachī hai . jaise is shāstrake mūl kartā alaukik puruṣh hain vaise hī isake ṭīkākār bhī mahāsamartha āchārya hain . unhonne samayasār tathā pañchāstikāyakī ṭīkā bhī likhī hai aur tattvārthasār, puruṣhārthasiddhyupāy ādi svatantra granthoṅkī bhī rachanā kī hai . un jaisī ṭīkāyen abhī tak anya jainashāstrakī nahīn huī hai . unakī ṭīkāoṅke pāṭhakoṅko unakī adhyātmarasikatā, ātmānubhav, prakhar vidvattā, vastusvarūpako nyāyapūrvak siddha karanekī asādhāraṇ shakti, jinashāsanakā atyanta gambhīr gnān, nishchay – vyavahārakā sandhibaddha nirūpaṇ karanekī viral shakti aur uttam kāvyashaktikā pūrā patā lag jātā hai . gambhīr rahasyoṅko atyanta saṅkṣhepamen bhar denekī unakī shakti vidvānoṅko āshcharyachakit kar detī hai . unakī daivī