bhagavān kundakundāchāryake rache hue anek shāstra hain; usamense thoṛe abhī vidyamān hain. trilokanāth sarvagnadevake mukhase pravāhit shrutāmr̥utakī saritāmense jo amr̥ut-bhājan bhar liye gaye the, ve amr̥utabhājan vartamānamen bhī anek ātmārthiyoṅko ātma-jīvan arpaṇ karate hain. unake pañchāstikāyasaṅgrah, pravachanasār aur samayasār nāmake tīn uttamottam shāstra ‘prābhr̥utatray’ kahalāte hain. in tīn paramāgamommen hajāron shāstroṅkā sār ā jātā hai. in tīn paramāgamommen bhagavān shrī kundakundāchāryake pashchāt likhe gaye anek granthoṅke bīj nihit hain aisā sūkṣhma dr̥uṣhṭise abhyās karane par mālūm hotā hai. pañchāstikāyasaṅgrahamen chhah dravyoṅkā aur nau tattvoṅkā svarūp saṅkṣhepamen kahā hai. pravachanasārako gnān, gney aur charaṇānuyogasūchak chūlikā — is prakār tīn adhikārommen vibhājit kiyā hai. samayasāramen nav tattvoṅkā shuddhanayakī dr̥uṣhṭise kathan hai.
shrī samayasār alaukik shāstra hai. āchāryabhagavānne is jagatake jīvon par param karuṇā karake is shāstrakī rachanā kī hai. usamen maukṣhamārgakā yathārtha svarūp jaisā hai vaisā kahā gayā hai. ananta kālase paribhramaṇ karate hue jīvoṅko jo kuchh bhī samajhanā bākī rah gayā hai, vah is paramāgamamen samajhāyā gayā hai. param kr̥upālu āchāryabhagavān is shāstrakā prārambha karate hue svayam hī kahate hain : — ‘kāmabhogabandhakī kathā sabane sunī hai, parichay kiyā hai, anubhav kiyā hai, lekin parase bhinna ekatvakī prāpti hī keval durlabh hai. us ekatvakī — parase bhinna ātmākī — bāt
artha : — kundapuṣhpakī prabhāko dhāraṇ karanevālī jinakī kīrtike dvārā dishāen̐ vibhūṣhit huī hain, jo chāraṇoṅke — chāraṇar̥uddhidhārī mahāmuniyoṅke — sundar hastakamaloṅke bhramar the aur jin pavitrātmāne bharatakṣhetramen shrutakī pratiṣhṭhā kī hai, ve vibhu kundakunda is pr̥ithvī par kisase bandya nahīn hain ?
artha : — yatīshvar (shrī kundakundasvāmī) rajaḥsthānako — bhūmitalako – chhoṛakar chār aṅgul ū par ākāshamen chalate the, usase main yah samajhatā hūn̐ ki, ve antaraṅga tathā bahiraṅga rajase (apanā) atyanta aspr̥uṣhṭatva vyakta karate the ( — ve antaraṅgamen rāgādi malase aur bāhyamen dhūlase aspr̥uṣhṭa the) .