yahA.N itanA visheSh samajhanA chAhie ki jo nay hai so shrutapramANakA a.nsh hai, isaliye shuddhanay bhI shrutapramANakA hI a.nsh huA . shrutapramAN parokSha pramAN hai, kyo.nki vastuko sarvaj~nake Agamake vachanase jAnA hai; isaliye yah shuddhanay sarva dravyo.nse bhinna, AtmAkI sarva paryAyo.nme.n vyApta, pUrNa chaitanya kevalaj~nAnarUp — sarva lokAlokako jAnanevAle, asAdhAraN chaitanyadharmako parokSha dikhAtA hai . yah vyavahArI Chadmastha jIv Agamako pramAN karake shuddhanayase dikhAye gaye pUrNa AtmAkA shraddhAn kare so vah shraddhAn nishchay samyagdarshan hai . jab tak keval vyavahAranayake viShayabhUt jIvAdik bhedarUp tattvo.nkA hI shraddhAn rahatA hai tab tak nishchay samyagdarshan nahI.n hotA . isaliye AchArya kahate hai.n ki is navatattvo.nkI sa.ntati (paripATI) ko Cho.Dkar shuddhanayake viShayabhUt ek AtmA hI hame.n prApta ho; ham dUsarA kuCh nahI.n chAhate . yah vItarAg avasthAkI prArthanA hai, koI nayapakSha nahI.n hai . yadi sarvathA nayo.nkA pakShapAt hI huA ka re to mithyAtva hI hai .
yahA.N koI prashna karatA hai ki — AtmA chaitanya hai, mAtra itanA hI anubhavame.n Aye to itanI shraddhA samyagdarshan hai yA nahI.n ? usakA samAdhAn yah hai : — nAstiko.nko Cho.Dkar sabhI matavAle AtmAko chaitanyamAtra mAnate hai.n; yadi itanI hI shraddhAko samyagdarshan kahA jAye to sabako samyaktva siddha ho jAyagA . isaliye sarvaj~nakI vANIme.n jaisA pUrNa AtmAkA svarUp kahA hai vaisA shraddhAn honese hI nishchay samyaktva hotA hai, aisA samajhanA chAhie .6.
ab, TIkAkAr – AchArya nimnalikhit shlokame.n yah kahate hai.n ki — ‘tatpashchAt shuddhanayake AdhIn, sarva dravyo.nse bhinna, Atmajyoti pragaT ho jAtI hai’ : —
shlokArtha : — [ataH ] tatpashchAt [shuddhanay-Ayatta.n ] shuddhanayake AdhIn [pratyag- jyotiH ] jo bhinna Atmajyoti hai [tat ] vah [chakAsti ] pragaT hotI hai [yad ] ki jo [nav-tattva-gatatve api ] navatattvo.nme.n prApta hone par bhI [ekatva.n ] apane ekatvako [na mu.nchati ] nahI.n Cho.DtI .
bhAvArtha : — navatattvo.nme.n prApta huA AtmA anekarUp dikhAI detA hai; yadi usakA bhinna svarUp vichAr kiyA jAye to vah apanI chaitanyachamatkAramAtra jyotiko nahI.n Cho.DtA .7.
30