૧૨૪ : વિવિધ ચર્ચાઓ )
( સમ્યગ્દર્શન
‘સારું છે.....તેને દેખો’
હે જીવ! તારા આત્મામાં ક્યારેય એકલો ઉદયભાવ નથી
હોતો, બીજા સારા ભાવો પણ સદાય તારામાં હોય જ છે; તેની
સુંદરતા ઓળખતાં જ ઉદયભાવો જુદા પડી જાય છે. એકલા
વિભાવને ન દેખ; સારું છે તેને દેખ.
ઉદય ભાવ વિનાના તો ઘણાય જીવો જોવા મળે છે;
ચેતનભાવ વિનાનો તો કોઈ જ જીવ હોતો નથી.
– આ વાત વિચારીને પ્રયોગ કરતાં જરુર ભેદજ્ઞાન થાય છે
ને ઉપશમાદિ ભાવો પ્રગટે છે.
ૐ
મારી માતા
હે જિનવાણી – મા! સાચા ભાવથી મેં જીવનભર તારી સેવા
કરી, મારું આખુંય જીવન ને આત્મા તને સમર્પિત કરી દીધા; તો
તેના ફળમાં તું મને શું આપીશ?
હે વત્સ! સાંભળ! જેમ તેં તારું સર્વસ્વ મને સમર્પિત કર્યું
તેમ મેં પણ મારું સર્વસ્વ તને સમર્પિત કરી દીધું છે : મારી પાસે
ઉત્તમ ત્રણ રત્નો, તેમાંથી અપૂર્વ સમ્યક્ત્વ – રત્ન તો હું તને દઈ
ચુકી છું અને બાકીનાં બે વીતરાગતા ને કેવળજ્ઞાનરુપ મહા રત્નો
પણ થોડા જ વખતમાં હું તને આપીશ.
ધન્ય માતા, તારી સેવાનું સર્વોત્તમ ફળ તેં મને આપ્યું. તારી
સેવાથી જીવન ધન્ય બન્યું, મારો આત્મા કૃતકૃત્ય થયો.
તને નમસ્કાર હો.