ઇંદ્રહૂતેં અમિત વિશાલ હૈ વિભૂતિ જાસ,
ચરન રસાલ સેવે સુમતિ વિશાલ હૈ;
ધારે દિવ્ય દેહ હૈ વિશાલ ભૂવિદેહહીમેં,
સુગુન વિશાલ દેવ કીરત વિશાલ હૈ.
( દોહા )
ઇક ગ્રહી ગ્રહ્યો અનંત જગ, ઇક લખી લખ્યો અનંત;
ઇક રમી રમે અનંત સુખ, જિન વિશાલ જયવંત.
( મુરારી છંદ-માત્રા ૧૬ )
જિન વિશાલ અરજી સુન મોરી, શરન આય પકરી અબ તોરી;
ફસત પાટલટ આગહિ જૈસે, કરમબંધ જુ કરે હમ તૈસે. ૧
ભ્રમવશાય પરકું નિજ જાન્યો, નિજ સ્વરૂપ અપનો ન પીછાન્યો;
વિવિધ દુઃખ ભવમેં જુ લહાયે, નહિ જુ જાત ઇક મુખતેં ગાયે. ૨
નરકભૂમિ ભયદા અધિકાઈ, જુત પ્રમાદ હતિ જીવન પાઈ;
ડંક સહસ વિછૂવા મિલ મારે, પરસ પીર ઇતની વિસતારે. ૩
ઉસન શીત અતિ ચંડ તહાં હૈ, ગિરત મેરુ સમ લોહ ગલા હૈ;
જનમથાન અતિ હી ભયદાઈ, સકલ રોગ બહુ હૈ દુચિતાઈ. ૪
કરત માર કરુના નહિ લાવે, કલહ રૈન દિન તહાં સુહાવે;
નિમિષ માત્ર તિસમેં સુખ નાંહી, પચત દુઃખ દવ અગ્નિ જુ માંહી. ૫
તલત તેલ મધિ પાવક જારે, પકર પાંવ ભુવિમાંહિ પછારે;
હનત હાડ ઉર અંતરજાલી, મરમ ભેદ કર હોત બિહાલી. ૬
૧૭૪ ][ શ્રી જિનેન્દ્ર