૧૨ ][ શ્રી જિનેન્દ્ર
અબ વિલંબ કિહીં હેત કૃપા કર ઇહાં લગાઈ,
કહા સુનો અરદાસ નાંહી ત્રિભુવન કે રાઈ...
ઇમ ચૂરિ ભૂરિ દુઃખ ભક્ત કે, સુખ પૂરે શિવતિય વરન;
પ્રભુ મોહી દુઃખ નાશન વિષે, અબ વિલંબ કારન કવન. ૯
જન વૃંદ સુ મનવચતન અબે, ગ્રહી નાથ તુમ પદ શરન;
સુધિ લે દયાલ મમ હાલ પૈ, કર મંગલ મંગલકરમ. ૧૦
✽
શ્રી જિનેન્દ્ર સ્તવન
[પુકાર સ્તુતિ]
(દોહા)
જે યા ભવ સંસાર મેં ભુગતેં દુઃખ અપાર;
તિન પુકાર પ્રભુજી મેં કરું કવિત ઇક ઢાર.
[ચેતનરૂપ અનૂપ અમૂરત, સિદ્ધસમાન સદા...એ રાગઃ તેવીસા છંદ]
શ્રી જિનરાજ ગરીબ નિવાજ
સુધારન કાજ સબે સુખદાઈ,
દીન દયાલ બડે પ્રતિપાલ
દયા ગુણમાલ સદા શિર નાઈ;
દુર્ગતિ ટારન પાપ નિવારન
હો ભવિ તારન કો ભવ તાઈ,
બારહિં બાર પુકારતુ હોં
જનકી વિનતિ સુનિયે જિનરાઈ.... ૧