સ્તવનમાળા ][ ૧૬૧
જૈ જૈ શ્રી જિનદેવ, સેવ તુમરી અઘનાશક,
જૈ જૈ શ્રી જિનદેવ ભેવ ષટદ્રવ્ય પ્રકાશક.
જૈ જૈ શ્રી જિનદેવ, એક જો પ્રાની ધ્યાવૈ,
જૈ જૈ શ્રી જિનદેવ, ટેવ અહમેવ મિટાવૈ.
જૈ જૈ શ્રી જિનદેવ પ્રભુ, હેય કરમરિપુ દલનકૌં,
હૂજૈ સહાય સંઘરાયજી, હમ તૈયાર સિવચલનકૌં. ૭
જૈ જિણંદ આનંદકંદ, સુરવૃંદવંદ્ય – પદ,
જ્ઞાનવાન સબ જાન, સુગુન મનિખાન આન પદ.
દીનદયાલ કૃપાલ, ભવિક ભૌજાલ નિકાલક,
આપ બૂઝ સબ બૂઝ, ગૂઝ નહિં બહુજન પાલક.
પ્રભુ દીનબંધુ કરુનામયી, જગઉધરન તારનતરન,
દુખરાસનિકાસ સ્વદાસકૌં, હમેં એક તુમહી સરન. ૮
દેખનીક લખિ રૂપ વંદિકરિ વંદનીક હુવ,
પૂજનીક પદ પૂજ, ધ્યાન કરિ ધ્યાવનીક ધ્રુવ.
હરષ બઢાય બજાય, ગાય જસ અંતરજામી,
દરવ ચઢાય અઘાય, પાય સંપતિ નિધિ સ્વામી.
તુમ ગુણ અનેક મુખ એકસોં કૌન ભાંતિ બરનન કરૌં,
મનવચનકાયબહુપ્રીતિસોં એક નામહીસૌં તરૌં. ૯
ચૈત્યાલય જો કરૈં ધન્ય સો શ્રાવક કહિયે,
તામેં પ્રતિમા ધરૈં ધન્ય સો ભી સરદહિયે.
જો દોનોં વિસ્તરૈં સંઘનાયક હી જાનૌં,
બહુત જીવકોં ધર્મ-મૂલકારન સરધાનોં.