સ્તવનમાળા ][ ૧૬૩
પ્રભુઅંગનીલ ઉતંગગિરિતૈં વાનિ શુચિ સરિતા ઢલી,
સો ભેદિ મ્રમગજદંતપર્વત, જ્ઞાનસાગરમેં રલી;
નય સપ્તભંગ-તરંગ-મંડિત, પાપતાપવિધ્વંસની. સો જ્યો૦
ચંદ્રાર્ચિચયછબિ ચારુ ચંચલ, ચમરવૃંદ સુહાવને,
ઢોલૈ નિરંતર યક્ષનાયક, કહત ક્યોં ઉપમા બનૈ;
યહ નીલગિરિકે શિખર માનોં મેઘઝરિ લાગી ઘની. સો જ્યો૦
હીરા જવાહિર ખચિત બહુવિધિ, હેમઆસન રાજયે,
તહં જગતજન મનહરન પ્રભુ તન, નીલ વરન વિરાજયે;
યહ જટિલ વારિજમધ્યમાનૈં, નીલમણિકલિકા બની. સો જ્યો૦
જગજીત મોહ મહાન જોધા, જગતમેં પટહા દિયો,
સો શુક્લધ્યાન-કૃપાનબલ જિન, નિકટ વૈરી વશ કિયો;
યે બજત વિજયનિશાન દુંદુભિ, જીત સૂચૈ પ્રભુતની. સો જ્યો૦
છદ્મસ્થપદમેં પ્રથમ દર્શન, જ્ઞાનચારિત આદરે,
અહં તીન તેઈ છત્રછલસોં, કરત છાયા છવિ ભરે;
અતિ ધવલરૂપ અનૂપ ઉન્નત, સોમબિંબપ્રભા હની. સો જ્યો૦
દુતિ દેખિ જાકી ચન્દ સરમૈ તેજસૌં રવિ લાજઈ,
તવ પ્રભામંડલજોગ જગમેં, કૌન ઉપમા છાજઈ;
ઇત્યાદિ અતુલ વિભૂતિ મંડિત, સોહિયે ત્રિભુવનધની. સો જ્યો૦
યા અગમ મહિમાસિંધુ સાહબ, શક્ર પાર ન પાવહીં,
તજિ હાસમય તુમ દાસ ભૂધર ભગતિવશ યશ ગાવહીં;
અબ હોઉ ભવભવ સ્વામિ મેરે, મૈં સદા સેવક રહૌં,
કર જોરિ યહ વરદાન માંગૌં, મોખપદ જાવત લહૌં.