૮૦ ][ શ્રી જિનેન્દ્ર
જેઠ અસિત ચઉદસ વિષે, જન્મ કલ્યાણક ઇન્દ;
મેરુ કર્યો અભિષેકકૈં, પૂજિ નાચ સુરવૃન્દ. શાંતિ૦ ૪
હેમવરન તન સોહનો તુંગ ધનુષ ચાલીસ;
આયુ બરસ લખ નરપતી, સેવત સહસ બતીસ. શાંતિ૦ ૫
ષટખંડ નવનિધિ તિય સવૈ ચઉદહ રતન ભંડાર;
કછુ કારણ લખિકેં તજે ષણચવ અસિય અગાર. શાંતિ૦ ૬
દેવ રિષી સબ આયકૈં, પૂજિ ચલે જિન બોધિ;
લેય સુરા સિવિકા ધરી, બિરછ નંદીશ્વર સોધિ. શાંતિ૦ ૭
કૃષ્ણ ચતુરદસી જેઠકી, મનપરજૈ લહિ જ્ઞાન;
ઇન્દ્ર કલ્યાણક તપ કર્યો, ધ્યાન ધર્યો ભગવાન. શાંતિ૦ ૮
ષષ્ટમ કરિ હિત અસનકૈ પુર સો મનસ મઝાર;
ગયે દયો પય મિત્તજી, વરસે રતન અપાર. શાંતિ૦ ૯
મોનસહિત વસુ દુગુણહી, બરસ કરે તપ ધ્યાન;
પૌષ સુકલ દસમી હને, ઘાતિ લહ્યો પ્રભુ જ્ઞાન. શાંતિ૦ ૧૦
સમવસરણ ધનપતિ રચ્યૌ, કમલાસન પર દેવ;
ઇન્દ્ર નરા ષટદ્રવ્યકી, સુનિ થિતિ થુતિ કરી એવ. શાંતિ૦ ૧૧
ધન્ય જુગલપદ મો તનૌ આયો તુમ દરબાર;
ધન્ય ઉભૈ ચખિ યે ભયે, વદન જીનન્દ નિહારિ. શાંતિ૦ ૧૨
આજ સફલ કર યે ભયે પૂજત શ્રીજિન પાય;
શીશ સફલ અબ હી ભયો, ધોક્યો તુમ પ્રભુ આય. શાંતિ૦ ૧૩
આજ સફલ રચના ભઈ, તુમ ગુણગાન કરંત;
ધન્ય ભયૌ હિય મો તનૌ, પ્રભુપદ ધ્યાન ધરંત. શાંતિ૦ ૧૪