stavanamALA ][ 179
samAdhiAmaraN
(kavivar sUrachandrajIkRut baDA samAdhimaraN)
bandaun shrIarahant paramaguru, jo sabako sukhadAI;
is jagamen dukh jo main bhugate, so tum jAno rAI.
ab main araj karun prabhu tumase, kar samAdhi ur mAnhI;
ant samay men yah var mAngUn, so dIjai jag-rAI. 1
bhav-bhavamen tan dhAr naye main, bhav-bhav shubh sang pAyo;
bhav-bhavamen nRup-riddhi laI main, mAt pitA sut thAyo.
bhav-bhavamen tan puruSh-tanon dhar, nArI hUn tan lIno;
bhav-bhavamen main bhayo napunsak, AtamaguN nahi chIno. 2
bhav-bhavamen sur-padavI pAI, tAke sukh ati bhoge;
bhav-bhavamen gati narakatanI dhar, dukh pAye vidhiyoge.
bhav-bhavamen tiryanch yoni dhar, pAyo dukh ati bhArI;
bhav-bhavamen sAdharmI jan ko, sang milyo hitakArI. 3
bhav-bhavamen jin-pUjan kInI, dAn supAtrahi dIno;
bhav-bhavamen main savasaraNanamen, dekhyo jinagun bhIno.
etI vastu milI bhav-bhav men, ‘samyak’ gun nahin pAyo;
nA samAdhi – yut maraN kiyo main, tAtain jag bharamAyo. 4
kAl anAdi bhayo jag bhramatain, sadA ku-maran hi kIno;
ek bArahU ‘samyak’ yut main, nij – Atam nahin chIno.
jo nij – parako gnAn hoy to, maraN samay dukh kAI;
deh vinAshI, main nij – bhAsI, joti – svarUp sadAI. 5