વેદી માહિં અધિક દ્યુતિ ધરૈ, દુદુંભિ જરા મરણ દુઃખ હરૈ;
તીન છત્ર ત્રિભુવન જયકાર, સમવશરણકો યહ અધિકાર. ૧૫
(દોહા)
જ્ઞાન અનંતમય આતમા, દર્શન જાસુ અનંત;
સુખ અરુ વીર્ય અનંત બલ, સો વંદોં ભગવંત. ૧૬
ઇન છ્યાવીસન ગુણસહિત, વર્તમાન જિનદેવ;
દોષ અઠારહ નાશતૈં કરહિં ભવિક નિત સેવ. ૧૭
(ચૌપાઈ)
ક્ષુધા ત્રિષા ન ભયાકુલ જાસ, જનમ ન મરન જરાદિક નાશ;
ઇંદ્રીવિષય વિષાદ ન હોય, વિસ્મય આઠ મદહિ નહિ કોય. ૧૮
રાગ રુ દોષ મોહ નહિ રંચ, ચિંતા શ્રમ નિદ્રા નહિ પંચ;
રોગ વિના પરસ્વેદ ન દીસ, ઇન દૂષન વિન હૈ જગદીશ. ૧૯
(દોહા)
ગુણ અનંત ભગવંતકે, નિહચૈ રૂપ બખાન;
યે કહિયે વ્યવહારકે, ભવિક લેહુ ઉર આન. ૨૦
‘ભૈયા’ નિજપદ નિરખતૈં, દુવિધા રહૈ ન કોય;
શ્રી જિનગુણકી માલિકા, પઢેં પરમ સુખ હોય. ૨૧
❊
શ્રી પંચપરમેષ્ઠી – નમસ્કાર
(દોહા)
પ્રાતઃ સમય શ્રી પંચપદ વંદન કીજે નિત્ત;
ભાવ ભગતિ ઉર આનિકૈ, નિશ્ચય કર નિજ ચિત્ત. ૧
સ્તવન મંજરી ][ ૧૦૧