ધનુષ પંચસો બિંબપ્રમાન, ઇકસૌ આઠ ચૈત્ય પ્રતિ જાન;
નવ અરબ્બ અરુ કોટિ પચીસ, ત્રેપન લાખ અધિક પુનિ દીસ. ૨૭
સહસ સતાઈસ નવસે માન, અરુ અડતાલીસ બિંબ પ્રમાન;
એતી જિન પ્રતિમા ગન કીજે, તિનકો નમસ્કાર નિત કીજે. ૨૮
જિનપ્રતિમા જિનવરકે ભેશ, રંચક ફેર ન કહ્યો જિનેશ;
જો જિનપ્રતિમા સો જિનદેવ, યહૈ વિચાર કરૈ ભવિ સેવ. ૨૯
અનંત ચતુષ્ટય આદિ અપાર, ગુણ પ્રગટૈ ઇહ રૂપ મઝાર,
તાતૈ ભવિજન શીસ નવાય, વંદન કરહિં યોગ ત્રય લાય. ૩૦
અકૃત્રિમ અરુ કૃત્રિમ દોય, જિનપ્રતિમા વંદો નિત સોય;
વારંવાર શીશ નિજ નાય, વંદન કરહું જિનેશ્વર પાય. ૩૧
સત્રહસૈ પૈંતાલિસ સાર, ભાદોં સુદી ચઉદશ ગુરુવાર;
રચના કહી જિનાગમ પાય, જૈ જૈ જૈ ત્રિભુવનપતિરાય. ૩૨
(દોહા)
દક્ષ લીન ગુનકો નિરખ, મૂરખ મીઠે વૈન;
‘ભૈયા’ જિનવાણી સુને, હોત સબનકો ચૈન. ૩૩
✤
શ્રી જિન – સ્તુતિ
(સવૈયા)
પંથ વહૈ સરવજ્ઞ જહાં પ્રભુ, જીવ અજીવકે ભેદ બતૈયે,
પંથ વહૈ જુ નિર્ગ્રન્થ મહામુનિ, દેખત રૂપ મહાસુખ પૈયે;
પંથ વહૈ જહઁ ગ્રંથ વિરોધ ન, આદિ ઔ અંતલોં એક લખૈયે,
પંથ વહૈ જહઁ જીવદયાવૃષ, કર્મ ખપાઈ કૈં સિદ્ધમેં જૈયે. ૧
સ્તવન મંજરી ][ ૧૦૯