શ્રી જિનવાણી – સ્તવન
નિત પીજ્યો ધી ધારી, જિનવાનિ સુધાસમ જાનકૈ; નિત (ટેક)
વીરમુખારવિન્દતૈં પ્રગટી, જન્મજરાગદટારી;
ગૌતમાદિ ગુરુઉર ઘટવ્યાપી, પરમ સુરુચિ-કરતારી
નિત પીજ્યો૦ ૧
સલિલ સમાન કલિલમલ-ગંજન, બુધમનરંજનહારી;
ભંજન વિભ્રમ ધૂલિ-પ્રભંજન, મિથ્યા-જલદ-નિવારી.....
નિત પીજ્યો૦ ૨
મંગલતરુ ઉપાવન ધરની, તરની ભવજલ-તારી;
બંધવિદારન પૈની છૈની, મુક્તિનસૈંની સમ્હારી.....
નિત પીજ્યો૦ ૩
સ્વપર – સ્વરૂપ-પ્રકાસનકો યહ, ભાનુ-કિરન અવિકારી;
૧મુનિમન-કુમુદ નિમોદન-શશિભા, ૨શમસુખ-સુમન-સુવારી..
નિત પીજ્યો૦ ૪
જાકે સેવત ૩બેવત નિજપદ, નસત અવિદ્યા સારી;
તીનલોકપતિ પૂજત જાકો, જાન ત્રિજગ-હિતકારી....
નિત પીજ્યો૦ ૫
કોટિ જીભસોં મહિમા જાકી, કહિ ન સકૈ પવિ ધારી;
દૌલ અલ્પમતિ કેમ કહૈં યહ, અધમઉધારનહારી......
નિત પીજ્યો૦ ૬
૧ મુનિયોંકે મનરૂપી કુમુદનીકો પ્રફુલ્લિત કરનેકે લિયે ચન્દ્રમાકી રોશની.
૨ સમતારૂપી સુખ-પુષ્પોંકો પૈદા કરનેકે લિયે અયે અચ્છી બાટિકા.
૩ જાનતે વા અનુભવ કરતે હૈં.
૪૨૬ ][ શ્રી જિનેન્દ્ર