sahas aṭhottar lachchhan jās, bal anant vapu dīkhai tās;
hitamit vachan sudhāse jharain, tās charan bhavi vandan karain. 5
dash guṇ keval hot prakāsh, param subhikṣha chahūn dish bhās;
dvayasau jojan mān pramān, chalat gaganamen shrī bhagavān. 6
vaputain prāṇighāt nahi hoy, āhārādik kriyā na koy;
vin upasarga param sukhakār, chahundish ānan dīkhahin chār. 7
sab vidyā svāmī jag vīr, chhāyā varjit jāsu sharīr;
nakh aru kesh baḍhain nahi kahīn, netra palak pal lāge nahīn. 8
chaudah guṇ devan kr̥ut hoy, sarva māgadhī bhāṣhā soy;
maitrī bhāv jīv sab dharain, sarvakāl taru phūlan jharain. 9
darpaṇavat nirmal hvai mahī, samavasharaṇ jin āgam kahī;
shuddha gandh dakṣhiṇ chal paun, sarva jīv ānand anubhaun. 10
dhūli ru kaṇṭak varjit bhūmi, gandhodak baraṣhat hai jhūmi;
padma upari nit chalat jinesh, sarva nāj upajahin chahun desh. 11
nirmal hoy ākāsh visheṣh, nirmal dashā dharatu hai bheṣh;
dharmachakra jin āge chalain, maṅgal aṣhṭa pāp tam dalai. 12
prātihārya vasu ānan̐dakand, vr̥ukṣha ashok harai duḥkh dvand;
puhup vr̥uṣhṭi shiv sukhadātār, divyadhvani jin jai jai kār. 13
chausaṭh cham̐var ḍharahin chahunor, sevahin indra megh jin mor;
sinhāsan shobhan dutivant, bhāmaṇḍal chhavi adhik dipant. 14
100 ][ shrī jinendra