vedī māhin adhik dyuti dharai, dudumbhi jarā maraṇ duḥkh harai;
tīn chhatra tribhuvan jayakār, samavasharaṇako yah adhikār. 15
(dohā)
gnān anantamay ātamā, darshan jāsu anant;
sukh aru vīrya anant bal, so vandon bhagavant. 16
in chhyāvīsan guṇasahit, vartamān jinadev;
doṣh aṭhārah nāshatain karahin bhavik nit sev. 17
(chaupāī)
kṣhudhā triṣhā na bhayākul jās, janam na maran jarādik nāsh;
indrīviṣhay viṣhād na hoy, vismay āṭh madahi nahi koy. 18
rāg ru doṣh moh nahi rañch, chintā shram nidrā nahi pañch;
rog vinā parasved na dīs, in dūṣhan vin hai jagadīsh. 19
(dohā)
guṇ anant bhagavantake, nihachai rūp bakhān;
ye kahiye vyavahārake, bhavik lehu ur ān. 20
‘bhaiyā’ nijapad nirakhatain, duvidhā rahai na koy;
shrī jinaguṇakī mālikā, paḍhen param sukh hoy. 21
❊
shrī pañchaparameṣhṭhī – namaskār
(dohā)
prātaḥ samay shrī pañchapad vandan kīje nitta;
bhāv bhagati ur ānikai, nishchay kar nij chitta. 1
stavan mañjarī ][ 101