६० ]
अर्थः — जे मुनि दुर्वचन सहन करे छे, अन्य साधर्मी मुनि आदि द्वारा करायेला अनादरने सहन करे छे, देवादिकोए करेला उपसर्गने सहन करे छे; — ए प्रमाणे कषायरूप वैरिओने जीते छे, तेने विपुल अर्थात् घणी निर्जरा थाय छे.
भावार्थः — कोई कुवचन कहे तेना प्रत्ये कषाय न करे, पोताने अतिचारादि दोष लागतां आचार्यादिक कठोर वचन कही प्रायश्चित आपे – निरादर करे तोपण तेने निष्कषायपणे सहन करे तथा कोई उपसर्ग करे तेनी साथे पण कषाय न करे, तेने घणी निर्जरा थाय छे.
अर्थः — जे मुनि उपसर्ग तथा तीव्र परीषह आवतां एम माने छे के में पूर्वजन्ममां पापनो संचय कर्यो हतो तेनुं आ फळ छे, तेने (शांतिपूर्वक) भोगववुं पण तेमां व्याकुल न थवुं. जेम के कोईनां करजे नाणां लीधां होय ते ज्यारे पेलो मागे त्यारे आपी देवां, पण तेथी व्याकुळता शा माटे करवी? ए प्रमाणे माननारने घणी निर्जरा थाय छे.
अर्थः — जे मुनि, आ शरीरने ममत्व-मोहनुं उपजाववावाळुं, विनाशी तथा अपवित्र माने छे अने दर्शन-ज्ञान-चारित्रने शुभजनक (सुख उपजावनार), निर्मळ तथा नित्य माने छे तेने घणी निर्जरा थाय छे.
भावार्थः — शरीरने मोहना कारणरूप, अस्थिर अने अशुचिरूप