सुवर्णपुरी – समाचार
धार्मिकोत्सव दर साल प्रमाणे उत्साहपूर्वक उजवायो हतो. हंमेश सवारमां पूजन, प्रवचन, बपोरे
स्वाध्याय, प्रवचन, भक्ति तथा सांजे आरति, प्रतिक्रमण अने रात्रिचर्चा थतां हतां. प्रवचनमां सवारे श्री
समयसारना बंध अधिकारनी गा. २८३ थी २८७ वंचाई हती अने बपोरे श्री पद्मनंदी पचीसीमांथी
ऋषभजिन स्तोत्र उपर भक्तिरस भरेलां प्रवचनो थयां हतां.
भादरवा सुद एकमना रोज सवारे महान परमागम श्री नियमसारजीना गुजराती अनुवादनुं प्रकाशन
घणा उल्लासपूर्वक थयुं हतुं. सवारे पूजन बाद नियमसारजीना प्रकाशन–महोत्सव निमित्ते शास्त्र–यात्रा नीकळी
हती. त्यार बाद आत्मार्थी भाईश्री हिंमतलाल जेठालाल शाहे पूज्य गुरुदेवश्रीना करकमळमां घणी भक्तिपूर्वक
नियमसार अर्पण कर्युं हतुं. प्रवचनमां प्रथम मांगळिक तरीके पू. गुरुदेवश्रीए नियमसारनो २९७मो कळश
वांच्यो हतो. प्रवचन पछी नियमसारजीनी पूजा थई हती. एम विधविध उल्लासपूर्वक नियमसार शास्त्रनुं
प्रकाशन थयुं हतुं.
भादरवा सुद त्रीजे सवारे प्रभुजीनी रथयात्रा नीकळी हती, ने वनमां अभिषेक–पूजनादि थया हतां.
भादरवा सुद चोथथी दसलक्षणधर्मनी शरूआत थई हती. (आ वखते एक तिथि वचमां घटती होवाथी
दसलक्षणधर्मनी शरूआत भादरवा सुद चोथथी थई हती.) दसलक्षणधर्म उत्साहथी ऊजववामां आव्या हता. आ
दिवसो दरमियान स्वामी कार्तिकेयानुप्रेक्षामांथी दसलक्षणधर्मनुं स्वरूप पू. गुरुदेवश्रीए प्रवचनमां वांच्युं हतुं.
भादरवा सुद पांचमे जिनेन्द्रदेवनी रथयात्रा गाममां फरी हती.
दसलक्षणधर्मना छेल्ला दिवसोमां बपोरे पू. गुरुदेवश्रीना रेकोर्डिंग–प्रवचनो पण संभळाववामां आवता
हता अने भक्तिना खास कार्यक्रमो गोठवाता हता.
भादरवा सुद १४ (अनंत चतुर्दशी) ना रोज महान परमागम श्री नियमसार उपरना प्रवचनो शरू थया
हता. (आ पहेलांं पंचास्तिकाय वंचातुं हतुं, तेनी आठ गाथाओ वंचायेल; त्यार पछी नियमसारनुं वांचन शरू
थतां ते वांचन बंध रह्युं हतुं.) प्रवचन बाद प्रभुजीनी रथयात्रा नीकळी हती ने वनमां अभिषेक–पूजन थया हता.
भादरवा वद एकमे क्षमावणी दिन उजवायो हतो. आ दिवसे जिनमंदिरमां श्री सीमंधरजिनेन्द्रनो १०८
कलशथी महा अभिषेक घणा ज उल्लास अने भक्तिपूर्वक थयो हतो. आ प्रसंगे रत्नत्रयपूजन वगेरे पण थयुं हतुं.
आत्मधर्मना ग्राहकोने सूचना
आ अंकनी साथे आत्मधर्मनुं आठमुं वर्ष पूरुं थाय छे. माटे दरेक ग्राहकोए पोतानुं नवा वर्षनुं लवाजम
तुरत मोकली देवा विनंति छे आसो वद०) सुधीमां जे ग्राहकोनुं लवाजम नहि आवे तेमने वी. पी. थी कारतक
मासनो अंक मोकलवामां आवशे. नाना गामनी पोस्टओफिसमां घणा वी. पी. करवामां बहु मुश्केली पडे छे,
तेथी आशा छे के ग्राहको पोतानुं लवाजम वेलासर मोकलीने आत्मधर्मनी व्यवस्थामां सहकाररूप थशे. लवाजम
मोकलवानुं सरनामुं:
श्री जैन स्वाध्याय मंदिर सोनगढ: सौराष्ट्र.
वडोदरामां दिगंबर जिनमंदिर
वडोदरामां घणा धर्मप्रेमी मुमुक्षुओ वसे छे, अने त्यां दिगंबर जिनमंदिर छे. पण ते दिगंबर जिनमंदिर
‘क्यां छे तेनी घणाने खबर नथी; तेथी आ बाबतमां वडोदराथी एक पत्र छे. तेमां जणावे छे के: ‘वडोदरामां
वसता आत्मधर्मप्रेमी भाईओने विनति करवामां आवे छे के वडोदरामां मांडवीथी पाणी दरवाजा रोड, नवी
पोळ मां दिगंबर जैनमंदिर तेम ज धर्मशाळा छे; ते मंदिरमां हंमेशां स्वाध्याय माटे मंदिरना वहीवटकर्ता तरफथी
सगवड करावी आपवामां आवशे. भव्यजीवोने धर्मनो लाभ लेवा माटे आ सूचना आपवामां आवी छे.’
‘आत्मा कोण छे ने कई रीते पमाय?’ –ए लेखमाळा (प्रवचनसारना परिशिष्ट उपरनां प्रवचनो) नुं
लखाण आ अंके आपी शकायुं नथी.