: ૬૬ : આત્મધર્મ–૧૨૪ : મહા : ૨૦૧૦ :
ઉમરાળા નગરીમાં
‘શ્રી કહાનગુરુ – જન્મધામ’ તથા ‘ઉજમબા – જૈન સ્વાધ્યાય ગૃહ’ ના
ઉદ્ઘાટનો મંગલ મહોત્સવ તથા સ્વાધ્યાય ગૃહમાં સમયસારજીની સ્થાપના
આજથી ૬૩ વર્ષ પહેલાંં મોતીચંદભાઈને ઘેર ઉજમબા માતાની કુંખે અવતાર લઈને શ્રી કહાન
કુંવર–ગુરુદેવે જે ઘરને પાવન કર્યું તે ઘર નવેસરથી (જૂના પ્રમાણે જ) બાંધવામાં આવ્યું છે, અને તેનું
નામ શ્રી. કહાનગુરુ–જન્મધામ રાખ્યું છે, તથા તેની બાજુમાં જ “શ્રી ઉજમબા–જૈન સ્વાધ્યાય ગૃહ”
બાંધવામાં આવ્યું છે, પોષ વદ ત્રીજે આ બંનેનું ઉદ્ઘાટન મુમુક્ષુઓના ઉલ્લાસપૂર્વક થયું અને પોષ વદ
ચોથને શુક્રવારે પરમ પૂજ્ય ગુરુદેવના પવિત્ર કરકમળથી “સ્વાધ્યાય ગૃહ” માં ગ્રંથાધિરાજ
સમયસારજીની સ્થાપના થઈ.
સોનગઢથી વિહાર કરીને પૂજ્ય ગુરુદેવ પોષ વદ ત્રીજે ઉમરાળા પધાર્યા ત્યારે ઉમરાળાની
જનતાએ તેમજ ભક્તમંડળે ઉમળકાભેર પૂ. ગુરુદેવનું સ્વાગત કર્યું ત્યારબાદ તરત શેઠ શ્રી નાનાલાલ
કાળીદાસ જસાણીના સુહસ્તે ઉજમબા–જૈન સ્વાધ્યાયગૃહનું ઉદ્ઘાટન થયું; તેમાં પદાપર્ણ કરીને પૂ.
ગુરુદેવશ્રીએ માંગળીક સંભળાવ્યું. ત્યારબાદ શ્રીમાન રામજીભાઈ માણેકચંદ દોશીના સુહસ્તે “શ્રી
કહાનગુરુ–જન્મધામ”નું ઉદ્ઘાટન થયું... અને જન્મથી પાવન થયેલી એ પવિત્ર ભૂમિને પૂ. ગુરુદેવે
પોતના ચરણકમળથી ફરીને પાવન કરી.
બપોરે પૂ. ગુરુદેવનું પ્રવચન થયું. પ્રવચન સાંભળવા ગામના લોકો ઉલટભેર આવતા હતા;
પ્રવચનમાં તત્ત્વજ્ઞાન તરંગિણીનું વાંચન શરૂ કરેલ છે. પ્રવચન બાદ લગભગ ત્રણેક હજાર રૂ।. નું ફંડ થયું
હતું. ત્યારબાદ ‘જન્મધામ’માં ઘણાં જ ઉલ્લાસપૂર્વક ભક્તિ થઈ હતી. ભક્તિમાં પૂ બેનશ્રીબેને પ્રથમ
“તુમ પાદ પંકજ અહીં થયા આ દેશને પણ ધન્ય છે,
આ ગામ પુર જ ધન્ય છે...એ માત કુળ જ વંદ્ય છે.”
–ઈત્યાદિ કાવ્યથી સ્તુતિ કરી હતી. પછી “ધન્ય ધન્ય શ્રી ઉમરાળાગામ પ્રગટ્યા ધર્મધુરંધર
કહાન” એ સ્તુતિ કરી હતી અને ત્યારબાદ “વાહ વાહ જી વાહ! ” વાળી અદ્ભુત ધૂન કરાવી હતી. પૂ.
બેનશ્રીબેન ઊભા થઈને જ્યારે એ ભક્તિની ધૂન ગવડાવતાં હતાં ત્યારે એ અદ્ભુત ભક્તિ જોનારા
આશ્ચર્યમાં ગરકાવ થઈ જતા હતા.
પોષ વદ ચોથ ને શુક્રવારે સ્વાધ્યાયગૃહમાં શ્રી સમયસારજી ની સ્થાપના પૂ. ગુરુદેવશ્રીના મંગલ
હસ્તે થઈ. પ્રથમ સમયસારજીની રથયાત્રા નીકળી હતી, પછી ભક્તોના જયજયકાર વચ્ચે પૂ.
ગુરુદેવશ્રીએ ““ ચિદાનંદાય નમ:” એવા મંગલ હસ્તાક્ષર કરીને ઘણા જ ભાવથી શ્રી સમયસારજીની
સ્થાપના બાદ પૂ ગુરુદેવે ટૂંકું પણ ઘણા જ ભાવ ભરેલું પ્રવચન કર્યું હતું.
ઉમરાળામાં ઉપર્યુક્ત બંને સ્થાનો તૈયાર કરવા માટે ખાસ કરીને પાલેજવાળા શેઠ કુંવરજીભાઈ
તથા આણંદજીભાઈ વગેરેને ઘણી ભાવના હતી, તેમજ આ સ્થાનો તૈયાર કરાવવામાં તેમણે ઘણી હોંશ
અને ઉત્સાહથી અગ્રગણ્ય ભાગ લીધો છે.