Atmadharma magazine - Ank 150 (Original language). Page: 2.

PDF/HTML Page 21 of 22
single page version

જે જીવ દર્શનશુદ્ધિ કરતો નથી, આત્માને અશુદ્ધ જ અનુભવે છે તે જીવે ખરેખર ભગવાનના ઉપદેશનું ગ્રહણ કર્યું
નથી. ભગવાનના ઉપદેશમાં સારભૂત સમ્યગ્દર્શન છે તે જન્મ–જરા–મરણનો નાશ કરાવનારું છે ને મુક્તિ પ્રાપ્ત
કરાવનારું છે. અહો, શ્રમણો કે શ્રાવકો, સૌને પહેલાં તો દર્શનશુદ્ધિનો જ ભગવાનનો ઉપદેશ છે, દર્શનશુદ્ધિ વિના ખરું
શ્રાવકપણું કે શ્રમણપણું હોતું નથી. સમ્યગ્દર્શન પછી જ ચારિત્રદશા હોય છે.

જુઓ, જગતના બધા તત્ત્વોમાં જીવતત્ત્વ જ ઉત્તમ છે; ને જીવના ભાવોમાં પણ સમ્યગ્દર્શન–જ્ઞાન–ચારિત્રરૂપ

શુદ્ધભાવ જ ઉત્તમ છે; અને તેમાં પણ સમ્યગ્દર્શન પ્રધાન છે. તેના વડે જીવનું પરમહિત થાય છે, ને તેના વિના જ્ઞાન–
ચારિત્ર વગેરે બધુંય મિથ્યા છે. માટે સમ્યગ્દર્શનને પ્રધાન જાણીને તેને જ અંગીકાર કરવાનો ઉપદેશ છે. સર્વજ્ઞનો
ઉપદેશ સર્વજ્ઞતા તરફ લઈ જવાનો છે. વીતરાગનો ઉપદેશ વીતરાગતાનો જ પોષક છે. પહેલાં જ્ઞાનાનંદસ્વભાવની
વીતરાગી દ્રષ્ટિ કરો, તે દ્રષ્ટિપૂર્વક જ યથાર્થ જ્ઞાનચારિત્ર હોય છે. સમ્યગ્દર્શન વિના ખરેખર સર્વજ્ઞની પણ સાચી પ્રતીત
થાય નહિ. સમ્યગ્દર્શન તે સર્વ ઉપદેશનો મૂળ સાર છે. સમ્યગ્દર્શન થયું ત્યાં મોક્ષનો માર્ગ હાથ આવી ગયો.....
આત્માની દશા પલટી ગઈ...ભગવાનનો ઉપદેશ એમ કહે છે કે અરે જીવો! તમારા આત્મામાં પૂર્ણ પરમાત્મશક્તિ ભરી
છે. તેની સન્મુખ દ્રષ્ટિ કરો. જેણે આવી દ્રષ્ટિ પ્રગટ કરી તેણે જ ભગવાનનો ઉપદેશ ઝીલ્યો છે આ સિવાય
શુભરાગાદિથી લાભ માનીને રોકાઈ જાય,–તો તેણે ભગવાનનો ઉપદેશ સાંભળ્‌યો જ નથી, કેમકે રાગથી ધર્મ થાય–
એવો ભગવાનનો ઉપદેશ છે જ નહીં. આત્માના શુદ્ધચિદાનંદસ્વભાવને મુખ્ય કરીને નિશ્ચયનયથી તેને પ્રતીતમાં લઈને
સમ્યગ્દર્શન કરવું–તે જૈનધર્મનો પ્રધાન ઉપદેશ છે, કેમકે ધર્મનું મૂળ સમ્યગ્દર્શન છે. અને સમ્યગ્દર્શનની શુદ્ધિથી જ
આત્માની સિદ્ધિ થાય છે. માટે સર્વ ઉદ્યમપૂર્વક સૌથી પહેલાં દર્શનશુદ્ધિ પ્રગટ કરવાનો ભગવાનનો પ્રધાન ઉપદેશ છે.

* जय हो दर्शनशुद्धि–धारक संतोनो *

વિદ્યાર્થીઓ માટે અભ્યાસની સુંદર સગવડ

શ્રી જૈન વિદ્યાર્થીગૃહ, સોનગઢ (સૌરાષ્ટ્ર)
અહીં ઉપરોક્ત બોર્ડિંગ છેલ્લાં ચાર વર્ષથી ચાલે છે. તેમાં જૈનધર્મ પાળતા કોઈપણ ફીરકાના વિદ્યાર્થીઓ કે

જેમની ઉમર ૧૧ વર્ષ અને તેથી વધુ હોય અને જેઓ ગુજરાતી ધોરણ પાંચમું અને તેથી ઉપરના ગુજરાતી કે અંગ્રેજી
ધોરણોમાં અભ્યાસ કરતા હોય તેઓને દાખલ કરવામાં આવે છે.

માસિક પૂરી ફીના લવાજમના રૂા. ૨પ તથા ઓછી ફીના રૂા. ૧પ લેવામાં આવે છે.
અહીં એસ. એસ. સી. (મેટ્રિક) સુધીના અભ્યાસ માટે હાઈસ્કૂલ છે.
અહીં વિદ્યાર્થીઓને હાઈસ્કૂલના અભ્યાસ ઉપરાંત શ્રી જૈનદર્શનનો ધાર્મિક અભ્યાસ પણ કરાવવામાં આવે

છે. વિશેષમાં પૂજ્ય ‘શ્રી કાનજી સ્વામી’ જેવા આધ્યાત્મિક જ્ઞાની સંતના સમાગમનો તથા તેઓનાં તત્ત્વપૂર્ણ
વ્યાખ્યાન શ્રવણનો પણ અપૂર્વ લાભ મળે છે.

સંસ્થાનું નવું વર્ષ તથા સત્ર તા. ૧પ–૬–પ૬ થી શરૂ થાય છે. સંસ્થામાં નિશ્ચિત સંખ્યામાં જ વિદ્યાર્થીઓને

દાખલ કરવાના છે. આથી જે વિદ્યાર્થીઓને અહીં દાખલ થવા ઈચ્છા હોય.....તેમણે ઉપરોક્ત સરનામે બે આનાની
ટીકીટો મોકલી, વિદ્યાર્થીએ પાળવાના ધારાધોરણ તથા નિયમો અને પ્રવેશપત્રો તા. ૨૦–૪–પ૬ સુધીમાં મંગાવી લેવાં
અને તે ભરી તા. ૨૦–પ–પ૬ સુધીમાં પરત મોકલવાં. ત્યાર પછી આવેલાં પ્રવેશપત્રો સ્વીકારવામાં આવશે નહિ.

મુંબઈમાં વસતા વિદ્યાર્થીઓની સગવડતા માટે બોર્ડિંગ સંબંધી કોઈપણ જાતની માહિતી મેળવવા તથા

પ્રવેશપત્રો મેળવવા નીચેના સરનામે પ્રબંધ કરવામાં આવેલ છે.

શ્રી હિંમતલાલ છોટાલાલ શાહ

૩૪, સુતાર ચાલ, (ટેલી નં. ૨૮૪૪૮)

ઝવેરી બજાર, મુંબઈ નં ૨

લી.

૧ મોહનલાલ કાલીદાસ જસાણી

૨ મોહનલાલ વાઘજી મહેતા કરાંચીવાલા

–મંત્રીઓ

શ્રી જૈન વિદ્યાર્થીગૃહ, સોનગઢ (સૌરાષ્ટ્ર)

PDF/HTML Page 22 of 22
single page version

ATMADHARMA Regd. No. B. 4787

સર્વજ્ઞની આજ્ઞાનું પાલન

સર્વજ્ઞ એટલે જેમને પરિપૂર્ણ જ્ઞાન ખીલી ગયું છે તે; એવા સર્વજ્ઞપરમાત્માની આજ્ઞા શું છે? અને તે

આજ્ઞાનું પાલન કરનાર જીવ કેવો હોય? તે સંબંધી મહત્ત્વનો ન્યાય તદ્ન સંક્ષેપમાં જણાવતાં પૂ. ગુરુદેવે ચર્ચામાં
નીચે મુજબ જણાવ્યું હતું–

×આત્મા જ્ઞાનસ્વભાવ છે;

×જ્ઞાનનો સ્વભાવ માત્ર જ્ઞાતાપણું જ છે.

×આવા જ્ઞાનસ્વભાવની પ્રતીત કરીને તેમાંથી ભગવાને સર્વજ્ઞપણું પ્રગટ કર્યું.

×તે સર્વજ્ઞ ભગવાને ઉપદેશમાં પણ એ જ આજ્ઞા ફરમાવી છે, એટલે જ્ઞાનસ્વભાવની પ્રતીત કરીને
તેના આશ્રયે જ્ઞાતાદ્રષ્ટા રહેવાની જ ભગવાનની આજ્ઞા છે.

×જ્ઞાનસ્વભાવની પ્રતીત કરીને જ્ઞાતાદ્રષ્ટાપણે રહેવું તે સાધન;

×અને પૂર્ણ કેવળજ્ઞાન પ્રગટે તે સાધ્ય.

×આ રીતે જ્ઞાનમાં જ સાધન અને સાધ્ય સમાય છે.
–આ સર્વજ્ઞ ભગવાનના ઉપદેશનો ટૂંકો સાર છે.

×સર્વજ્ઞ ભગવાનના આવા માર્ગની પ્રતીત કરનાર જીવ જ્ઞાતાપણે રહ્યો એટલે કયાંય ફેરફાર
કરવાનો અભિપ્રાય ન રહ્યો, એ રીતે ક્રમબદ્ધપર્યાયની પ્રતીત તેમાં આવી જ ગઈ.

×જ્ઞાનસ્વભાવનો નિર્ણય કરીને જ્ઞાતા થયો, પછી કઈ ભૂમિકામાં કેવો વ્યવહાર હોય ને કેવા નિમિત્તો
હોય તેને પણ તે જ્ઞાતાપણે જાણે છે; અને તેને જ તે સર્વનું યથાર્થ જ્ઞાન થાય છે, અને તે જ
સર્વજ્ઞની આજ્ઞાનું પાલન કરે છે. જ્ઞાતાદ્રષ્ટાપણે સર્વજ્ઞની આજ્ઞાનું પાલન કરતાં કરતાં તે પોતે પણ
સર્વજ્ઞ થઈ જશે.

×હું જ્ઞાનસ્વભાવ જ છું–એવો જેને નિર્ણય નથી તેને સર્વજ્ઞ ભગવાનની આજ્ઞાની ખબર નથી, તેથી
સર્વજ્ઞ ભગવાનના આગમના એક અક્ષરનો પણ સાચો અર્થ તેને આવડશે નહીં, ભગવાને કહેલા
વ્યવહારની ને નિમિત્તની ખબર પડશે નહિ.

–ચર્ચા ઉપરથી.

સુવર્ણપુરી સમાચાર

*સોનગઢના જિનમંદિરનું કામ ચાલી રહ્યું છે. તેના બાર શાખ મુકવાનું મુહૂર્ત ફાગણ સુદ બીજે હતું.

બાર શાખ મુકવાની વિધિ પૂ. બેનશ્રી બેનના સુહસ્તે, તેમજ શેઠ શ્રી નાનાલાલભાઈ–બેચરલાલભાઈ–
મોહનલાલભાઈ તથા મુરબ્બી શ્રી રામજીભાઈ વગેરેના સુહસ્તે થઈ હતી. સાથેસાથે સીમંધર ભગવાનની પ્રતિષ્ઠાનો
૧૬મો વાર્ષિકોત્સવ પણ આ જ દિવસે હતો, તે નિમિત્તે જિનેન્દ્રદેવની રથયાત્રા વગેરે થયેલ હતું.

*પરમ પૂજ્ય ગુરુદેવના પ્રવચનમાં સવારે શ્રી પ્રવચનસારનો “ચરણાનુયોગસૂચક ચૂલિકા”

અધિકાર ચાલે છે. અને બપોરે શ્રી અષ્ટપ્રાભૃત વંચાતું હતું તે ફાગણ સુદ તેરસે પૂર્ણ થયું છે; ફાગણ સુદ ચૌદસથી
વ્યાખ્યાનમાં શ્રી સમયસારનું વાંચન શરૂ થયું છે. સમયસાર ઉપર પરમ પૂજ્ય ગુરુદેવના આ અગીયારમી વખત
પ્રવચનો ચાલી રહ્યા છે; વક્તા તેમ જ શ્રોતા સૌને તેનો રસ દિનદિન વધતો જ જાય છે. એ સમયસારની કોઈ
અદ્ભુત વિશિષ્ટતા છે.

*શ્રી પંચાસ્તિકાય શાસ્ત્રના ગુજરાતી ભાષાંતરનું છાપકામ (સંસ્કૃત ટીકા સહિત) ચાલી રહ્યું છે.

મુદ્રકઃ– જમનાદાસ માણેકચંદ રવાણી, અનેકાન્ત મુદ્રણાલયઃ વલ્લભવિદ્યાનગર (ગુજરાત)
પ્રકાશકઃ– શ્રી જૈન સ્વાધ્યાય મંદિર ટ્રસ્ટ વતી જમનાદાસ માણેકચંદ રવાણી, વલ્લભવિદ્યાનગર (ગુજરાત)

< Previous Page