Atmadharma magazine - Ank 152 (Original language). Page: 3.

વૈરાગ્ય સમાચાર

રાજકોટમાં ત્રિભુવનદાસ વીરજીના પુત્ર (વીરજીભાઈ વકીલના પૌત્ર) ભાઈ જગદીશચંદ્ર વૈશાખ વદ ૧૧

ના રોજ તાવની બિમારીથી માત્ર તેર વર્ષની કિશોર વયે સ્વર્ગવાસ પામી ગયેલ છે. અંતિમ સ્થિતિએ “હું જીવ
છું... હું ભગવાન છું” એવા રટણપૂર્વક દેહ છોડેલ છે. સ્વર્ગવાસ અગાઉ બે કલાક પહેલાંં મુમુક્ષુઓ તેની પાસે ધૂન
બોલતાં, તેમજ માંગળિક સંભળાવતા, અને કહેતા “જો ભાઈ જગદીશ! તારો આત્મા આ બધાથી જુદો છે... આ
શરીર–માતા–પિતા કે સગાવહાલાં કોઈ તને શરણભૂત નથી... ભગવાન આત્મા એક જ શરણભૂત છે...
ભગવાનનું શરણ લે...” જગદીશ પણ એ સાંભળીને ‘હું ભગવાન છું... હું જીવ છું” એમ વારંવાર તૂટક બોલતો
હતો... ને ઘણું દર્દ હોવા છતાં એ જ રીતે શાંતિપૂર્વક દેહ છોડીને તેનો આત્મા ચાલ્યો ગયો હતો.

આવી કિશોર વયમાં જ જગદીશનો સ્વર્ગવાસ થઈ જવા છતાં તેમના કુટુંબી જનોએ ઘણી શાંતિ રાખી

છે. તેમના કુટુંબમાં સૌને પૂ. ગુરુદેવ પ્રત્યે ઘણો પ્રેમ અને ભક્તિભાવ છે. ભાઈ જગદીશને પણ ધર્મપ્રેમ હતો
અને રાજકોટની દિ. જૈનપાઠશાળામાં તત્ત્વજ્ઞાનનો અભ્યાસ કરવા જતો હતો, તથા વાર્ષિક પરીક્ષામાં પાસ
થયેલ હતો. કિશોર વયમાં આવા ધર્મપ્રેમનું બીજાઓએ પણ અનુકરણ કરવા જેવું છે.

પૂ. ગુરુદેવ અનેકવાર કહે છે કે–
આ દુર્લભ મનુષ્યઅવતાર મલ્યો... તેમાં ભરોસો નથી કે અમુક કાળ સુધી તે ટકી જ રહેશે! ... ગમે તે ક્ષણે

તે છૂટી જશે... છૂટ્યા પહેલાંં અત્યારે પણ દેહ તો આત્માથી જુદો જ છે... માટે અત્યારે જ–આજે જ દેહથી જુદા
આત્માનું હિત કેમ થાય–તે ઉપાય કરવા જેવો છે... આત્મહિતનું કાર્ય ભવિષ્ય ઉપર મુલતવી રાખવા જેવું નથી.

“બહુ પુણ્ય કેરા પુંજથી શુભદેહ માનવનો મલ્યો,

તોયે અરે! ભવચક્રનો આંટો નહિ એકે ટળ્‌યો;
સુખ પ્રાપ્ત કરતાં સુખ ટળે છે. લેશ એ લક્ષે લહો,
ક્ષણ ક્ષણ ભયંકર ભાવમરણે કાં અહો! રાચી અહો?”

–શ્રીમદ્ રાજચંદ્ર

શ્રી સોનગઢ જૈન વિદ્યાર્થી – ગૃહને માટે રૂા. ૨૫૦૧ નું દાન

આ જેઠ સુદ છઠ્ઠ ના રોજ રાજકોટના શેઠ શ્રી મોહનલાલ કાનજીભાઈ ઘીયાના સ્વ.

ધર્મપત્ની જેકુંવરબેનના સ્વર્ગવાસની વાર્ષિક તિથિ હતી; આ પ્રસંગે શેઠ શ્રી મોહનલાલ
કાનજીભાઈ તરફથી સ્વ. જેકુંવરબેનના સ્મરણાર્થે સોનગઢના જૈન વિદ્યાર્થીગૃહના મકાન માટે
વિદ્યાર્થીગૃહને અર્પણ કરવામાં આવ્યા છે, તે બદલ તેમને ધન્યવાદ ઘટે છે.

પ્રૌઢવયના ગૃહસ્થો માટે જૈનદર્શન શિક્ષણવર્ગ

દર વર્ષની માફક આ વર્ષે પણ શ્રાવણ સુદ ત્રીજ ને ગુરુવાર તા. ૯–૮–૫૬ થી શરૂ

કરીને, શ્રાવણ વદ આઠમ ને બુધવાર તા. ૨૯–૮–૫૬ સુધી તત્ત્વજ્ઞાનના અભ્યાસ માટે
સોનગઢમાં “જૈનદર્શન શિક્ષણવર્ગ” ચાલશે. જે જિજ્ઞાસુ જૈન ભાઈઓને વર્ગમાં આવવાની
ઈચ્છા હોય તેમણે સૂચના મોકલી દેવી, અને વખતસર આવી જવું.

આ વખતે શિક્ષણવર્ગમાં જૈન સિદ્ધાંત પ્રવેશિકા, દ્રવ્યસંગ્રહ, મોક્ષમાર્ગપ્રકાશક (અધ્યાય

૯) તથા પ્રવચનસાર જ્ઞેય–અધિકારમાંથી કેટલોક ભાગ ચાલશે. શ્રી જૈન સ્વાધ્યાય મંદિર
સોનગઢ, [સૌરાષ્ટ્ર]

< Previous Page Next Page >