સુવર્ણપુરી સમાચાર
એક વધામણી!!!
ભક્તજનોને વધામણી આપતાં આનંદ થાય છે કે–તીર્થાધિરાજ શ્રી
સમ્મેદશિખરજી ધામની યાત્રાએ જવાના નિર્ણયની જાહેરાત પરમ પૂજ્ય ગુરુદેવે
આ શ્રાવણ સુદ એકમના રોજ કરી દીધી છે. અનેક ભક્તજનોને ઘણા વખતથી પૂ.
ગુરુદેવની સાથે સમ્મેદશિખરજી તીર્થરાજની યાત્રા કરવાની હૃદયની ભાવના હતી;
તેથી પૂ. ગુરુદેવના શ્રીમુખથી ઉપર્યુક્ત વધામણી સાંભળતાં સૌ ભક્તજનોને ઘણો
જ હર્ષ થયો હતો. તેમજ થોડા જ વખતમાં ગામેગામ તેનો સંદેશ પહોંચી ગયો
હતો; અને આ મંગલ સમાચાર સાંભળતાં જ ચારેકોર ગામેગામથી ખુશાલી વ્યક્ત
કરતા તારો તથા પત્રો આવ્યા હતા. પૂ. ગુરુદેવનો મહાન પ્રભાવના ઉદય દેખીને,
તથા પૂ. ગુરુદેવની સાથે સાથે શાશ્વત સિદ્ધિધામને ભેટવાની ભાવનાથી,
ભક્તજનોનાં હૈયાં થનગની રહ્યાં છે. આવતા વર્ષે લગભગ ફાગણ માસમાં
સમ્મેદશિખરજી પહોંચવાનું થશે.
સોનગઢમાં જે ભવ્ય જિનમંદિર તૈયાર થઈ રહ્યું છે, તેના ઉપરના ભાગમાં
ભગવાન શ્રી નેમિનાથ પ્રભુની વેદીપ્રતિષ્ઠાનું તેમજ કલશ–ધ્વજારોહણ વગેરેનું
શુભમુહૂર્ત કારતક માસમાં આવ્યું છે, સોનગઢ–પ્રતિષ્ઠા બાદ વિહાર કરીને પૂ.
ગુરુદેવ પાલેજ તરફ પધારશે; પાલેજમાં નુતન જિનમંદિરમાં શ્રીઅનંતનાથ
ભગવાનની વેદીપ્રતિષ્ઠાનું શુભમુહૂર્ત માગસર સુદ ૧૪ નું આવેલ છે. પાલેજ–
પ્રતિષ્ઠા બાદ પૂ. ગુરુદેવ મુંબઈ પધારશે, અને મુંબઈથી તીર્થધામ શ્રી
સમ્મેદશિખરજી તરફ પધારશે.
जय सम्मदशखर! . जय गरुदव!