પરમપૂજ્ય ગુરુદેવ સુખશાંતિમાં બિરાજમાન છે.
શ્રાવણ સુદ પૂર્ણિમાના દિવસે રક્ષાબંધન પર્વ નિમિત્તે શ્રી અકંપનઆચાર્ય તથા વિષ્ણુકુમાર
મુનિ સંબંધી વાત્સલ્ય ભરેલી કથા પ. ગુરુદેવે પ્રવચનમાં કહી હતી. તે જ દિવસે પ્રવચનમાં
સમાધિશતકનું વાંચન પૂરું થયું હતું અને ‘ઈષ્ટોપદેશ’ ઉપર પ્રવચનો શરૂ થયા હતા.
ભાદરવા સુદ પાંચમ ને રવિવારથી દસલક્ષણી–પર્યુષણપર્વ શરૂ થશે. તેના પ્રથમ દિવસે
(ભાદરવા સુદ પાંચમ ને રવિવારે) ચૌદ કુમારિકા બહેનો એકસાથે આજીવન બ્રહ્મચર્યપ્રતિજ્ઞા પૂ.
ગુરુદેવ પાસે અંગીકાર કરવાના છે. એ એક ખાસ પ્રભાવનાનો પ્રસંગ ધાર્મિક–ઉત્સવના દિવસો
દરમિયાન આ વખતે બપોરના પ્રવચનમાં ‘ભક્તામર–સ્તોત્ર’ ઉપર પૂ. ગુરુદેવનાં અદ્ભુત ભક્તિ
ભરેલાં અને અધ્યાત્મરસ ઝરતાં પ્રવચનો થશે.
• આત્મધર્મના ગ્રાહકોને વિનંતી •
આત્મધર્મના ગ્રાહકોને ખાસ વિનંતી કરવામાં આવે છે કે ‘આત્મધર્મ’ નું નવા વર્ષનું લવાજમ
જેમ બને તેમ વહેલાસર ભરીને વ્યવસ્થામાં સહકાર આપશો. બની શકે તો પર્યુષણ દરમિયાન
આપનું લવાજમ જરૂર ભરી દેશો.
नमः श्री नेमिनाथ
* તીર્થધામ સોનગઢમાં એક ભવ્ય પ્રસંગ *
એક સાથે ૧૪ કુમારિકા
બહેનોની બ્રહ્મચર્યપ્રતિજ્ઞા
આત્મધર્મના જિજ્ઞાસુ વાંચકોને સહર્ષ જણાવવાનું કે પરમપૂજ્ય સદ્ગુરુદેવ શ્રી
કાનજીસ્વામીના વૈરાગ્યભરપૂર અધ્યાત્મઉપદેશના પ્રતાપે અનેક જિજ્ઞાસુ જીવોનાં જીવન
પલટાઈ જાય છે, ને મહાન ધર્મપ્રભાવના દિનદિન વધતી જાય છે... અને અનેક
જિજ્ઞાસુઓ સત્સમાગમ અર્થે જીવન સમર્પણ કરે છે. એવી જ ભાવનાથી સોનગઢમાં
લાંબા વખતથી રહીને પૂ. ગુરુદેવના સત્સમાગમનો લાભ લેનાર ચૌદ કુમારિકા બહેનો
આ ભાદરવા સુદ પાંચમ ને રવિવાર તા. ૯–૯–૫૬ના રોજ આજીવન બ્રહ્મચર્યપ્રતિજ્ઞા
અંગીકાર કરવાનાં છે. પરમ પૂજ્ય ગુરુદેવના ઉપદેશના પ્રભાવથી, તેમ જ પૂ.
બેનશ્રીબેનજીની શીતલ હૂંફથી આ સર્વે બહેનો આવી મહાન હિંમત પ્રાપ્ત કરી શક્યાં છે.
સંતોની છાયામાં એક સાથે આટલા બધા કુમારિકા બહેનોની બ્રહ્મચર્યપ્રતિજ્ઞાનો આ
પ્રસંગ અપૂર્વ અને અભિનંદનીય છે. આ પ્રસંગ જોવાનો તથા તે વખતના પૂ. ગુરુદેવના
અદ્ભુત વૈરાગ્યભરપૂર પ્રવચનનો ખાસ લાભ જિજ્ઞાસુઓ લઈ શકે તે માટે આ
શુભસમાચાર અહીં પ્રસિદ્ધ કરવામાં આવ્યા છે.